மலேசியர்கள்  வருமானத்தைப்  பெருக்கிக்கொள்ள  பல  வேலைகள்  செய்வது  சாத்தியமான  ஒன்றுதான்  என்கிறார்  அனைத்துலக  வாணிக,  தொழில்  துணை  அமைச்சர்  அஹ்மட்  மஸ்லான்.

அவரே  மூன்று  வேலைகளைச் செய்கிறாராம்.

“எனக்கு, எம்பி, துணை  அமைச்சர்,  அம்னோ  தகவல்  தலைவர்  என  மூன்று  வேலைகள்.  மலேசியாவில்  பலர்  இரண்டு  வேலைகள்  செய்கிறார்கள்.

“கடுமையாக  உழைத்து  நேர்மையாக  வாழ்கிறார்கள்”, என  அஹ்மட்  டிவிட்  செய்திருந்தார்.

அஹ்மட்  வார  இறுதியில்  மலேசியர்கள்  வரவுசெலவைச்  சரிக்கட்ட  இன்னொரு  வேலையும்  செய்யலாம்  என்று சொல்லி  நன்றாக  வாங்கிக்  கட்டிக்  கொண்டிருக்கிறார்.

ஆனால்,  இன்று  அவர்  தம்  கருத்தைத்  தற்காத்துப்  பேசினார்.

“லிம்  குவான்  எங்  ஒரு  சட்டமன்ற  உறுப்பினர்,  எம்பி,  (பினாங்கு) முதலமைச்சர்.  வான்  அசீசா  ஒரு  சட்டமன்ற  உறுப்பினர்,  ஒரு  எம்பி, எதிரணித்  தலைவர்.

“ஆக  மூன்று  வேலைகள். வேலை  செய்பவர்கள்  இணையவழி  வணிகத்தில்  ஈடுபடலாம்  என்றுதான்  சொன்னேன். அதற்கேன்  ஆத்திரப்பட  வேண்டும்?”, என்று  அந்த  பொந்தியான்  எம்பி  வினவினார்.