மலேசியாவை “ஒரு  தேசிய  சிறைக்கூடமாக  மாற்றும்”  பிரதமர்  நஜிப்  அப்துல்  ரசாக்கின்  திட்டத்துக்கு  எதிராக  மக்கள்  குரல்  கொடுக்க  வேண்டும்  என  கேளாங்  பாத்தா  எம்பி  லிம்  கிட்  சியாங்  கூறினார்.

“மலேசியா  வெளிப்படையான,  ஜனநாயக  நாடா  அல்லது   கம்முனிஸ்டு  ஆட்சி  நடக்கும்  வட  கொரியா  போன்று  அடக்குமுறைக்கு  உட்பட்ட  சமுதாயமாக  தரம்தாழ்ந்து  போய்விட்டதா?”, என்று  லிம்  வினவினார்.

கூட்டரசு  அரசமைப்பை  மீறினார்கள்  என்று  தனிப்பட்ட  சிலரின்  பயணங்களுக்குத்   தடை  விதிக்கப்படுவதைச்  சுட்டிக்காட்டிய  லிம், மனித  உரிமைக்  கழகம் (சுஹாகாம்)  அமைச்சரவைக்குப்  பாடம்  நடத்த  வேண்டும்  என்றார்.

“சுஹாகாம்  மலேசிய  அரசமைப்பு  குறித்தும்  மனித  உரிமைகள்  குறித்தும்  ஏதுமறியாதிருக்கும்  அமைச்சரவை  மொத்தத்துக்கும்  மலேசியர்களின்  அரசமைப்பு  உரிமைகள்  குறித்து  பாடம்  நடத்த  வேண்டும்”, என்று  லிம்  ஓர்  அறிக்கையில்  கூறினார்.