ஏர்  ஏசியாவின்  தலைவர்  டோனி  பெர்னாண்டஸ்  அச்சிக்கனப்  பயண  விமான  நிறுவனத்துக்குத்  தொடர்ந்து  தொல்லை  தரும்  டூரிசம்  மலேசியா  நிறுவனத்தின்  தலைவர்   வீ  சூ  கியோங்கைச்  சாடினார்.

கடந்த  வெள்ளிக்கிழமை  பெய்ஜிங்  அனைத்துலக  சுற்றுலா  கண்காட்சியில்  வீ  சினமடைந்த  நிலையில்  மலேசிய  கூடத்தில்   வைக்கப்பட்டிருந்த   ஏர்  ஏசியா  தோரணம் ஒன்றை  கிழித்தெறிந்ததாகக்  கூறப்படுவதை  அடுத்து  டோனி  அவரைச்  சாடினார்.

“இந்த மனிதர்  பல  ஆண்டுகளாக  எங்களுக்குத்  தொல்லை  தந்து  வந்துள்ளார்.  ஏன்  என்று  தெரியவில்லை.

“இது  எல்லாவற்றையும்  விஞ்சி  விட்டது.  சீனச்  சுற்றுப்பயணிகளை  அதிக  எண்ணிக்கையில்  கொண்டுவருவது  ஏர்  ஏசியாதான். நீங்களே  நீதிபதியாக  இருந்து  எது  சரி  எது  தப்பு  என்று  கூறுங்கள்”, என  பெர்னாண்டஸ்  அவரது  முகநூல்  பக்கத்தில்  பதிவிட்டிருக்கிறார்.