எதிர்வரும் இடைத் தேர்தல்கள் சம்பந்தமாக பாஸ் கட்சியுடன் பேச்சுவார்த்தை நடத்த இன்னும் இடமிருக்கிறது என்று பிகேஆர் தலைவர் டாக்டர் வான் அசிஸா வான் இஸ்மாயில் கூறுகிறார்.

பாஸ் அதன் நிலைப்பாட்டை விட்டுக்கொடுக்காது. ஆகவே இது குறித்து நேரத்தை வீணாக்க வேண்டாம் என்று பிகேஆரை அமனா கேட்டுக்கொண்டிருந்தது குறித்து கேட்கப்பட்டபோது அவர் இவ்வாறு கூறினார்.

தம்மைப் பொறுத்தவரையில், வேட்பாளர் நியமன நாள் (ஜூன் 5) மற்றும் இடைத் தேர்தல் நாள் (ஜூன் 18) ஆகியவற்றுக்கு இன்னும் நேரம் இருக்கிறது. பேச்சுவார்த்தை நடத்தை இடமிருக்கிறது என்றாரவர்.

மக்களின் பொருட்டு நாம் பேச வேண்டியுள்ளது. நாம் மக்களைப் பற்றி சிந்திக்க வேண்டும் என்று வான் அசிஸா இன்று நாடாளுமன்ற வளாகத்தில் செய்தியாளர்களிடம் கூறினார்.