கடந்த  ஓராண்டில்  பாஸ்  கட்சியிலிருந்து  200,000  பேர்  விலகியிருப்பதாக  அதன்  தலைமைச்  செயலாலர்  தகியுடின்  ஹசான்  கூறினார்.

இன்று  கோத்தா  பாருவில்  பாஸ்  பேராளர்  மாநாட்டில்  உரையாற்றிய  தகியுடின்,  கட்சியில்  உறுப்பினர்  எண்ணிக்கை  கடந்த  ஆண்டில்  ஒரு  மில்லியனைத்  தாண்டியதாக  அறிவித்தார்.  அதே  வேளை 200,000  பேர்  கட்சியிலிருந்து  வெளியேறி  இருப்பதாகவும்  சொன்னார்.

கடந்த  ஓராண்டில்  சில  சம்பவங்கள்  நடந்துள்ளன. சிலர்  உயிரிழந்தனர். சிலர்  கட்சியிலிருந்து  வெளியேறினர்  என்றாரவர்.

“இப்போது  800,000 உறுப்பினர்கள்  கட்சியில்  இருக்கிறார்கள்”, என்று  கூறிய  அவர்,  புதிய  உறுப்பினர்களையும்  வாக்காளர்களையும்  பதிவு  செய்ய  உதவுமாறு  கட்சித்  தலைவர்களையும்  தொண்டர்களையும்  கேட்டுக்கொண்டார்.