திருட்டை ஒரு வியாதிக்கு ஒப்பிட்ட பாஸ் கட்சியின் தலைவர் அப்துல் ஹாடி அவாங், அதைக் குணப்படுத்துவதற்கான ஒரே மருத்துவம் ஹூடுட் சட்டப்படி கையைத் துண்டிப்பதுதான் என்றார்.

நேற்றிரவு, கோலக்கங்சாரில் மலாய்க்காரர்கள் அதிகமாக வாழும் பகுதியான ஆர்பிஎ4 இல் சுமார் 300 பேர் கலந்து கொண்ட ஒரு கூட்டத்தில் பேசிய ஹாடி, மக்கள் கைகள் துண்டிக்கப்படுவது குறித்து பயப்படுகிறார்கள். ஆனால், அது உண்மையில் மனித வியாதியைக் குணப்படுத்துவதற்கான ஆண்டவனின் கருணை, ஏனென்றால் திருடுவது ஒரு கெட்ட சமூக வியாதி என்று உபதேசம் செய்தார்.

மருத்துவர்கள் கை, கால்களைத் துண்டிக்கிறார்கள். அதைப் பற்றி எவரும் கேள்வி கேட்பதில்லை என்று முத்தாய்ப்பு வைத்துப் பேசிய ஹாடி, ஒரு கையை வெட்டுவது திருடனை அச்சுறுத்துவதற்காகும், ஏனென்றால் திருடும் வியாதியைக் குணப்படுத்துவதற்கு உடம்பு உறுப்புகளைத் துண்டிப்பதைத் தவிர வேறு எந்தச் சட்டத்தாலும் அதைச் செய்ய இயலாது என்றார்.