கோலாலும்பூரின்   11   நாடாளுமன்றத்   தொகுதி    எல்லைகளையும்   திருத்தி  அமைப்பதற்குத்   தேர்தல்   ஆணையம்(இசி)  பரிந்துரைத்துள்ளது.

திரெங்கானுவிலும்    அதன்   எல்லா   எட்டு   நாடாளுமன்றத்   தொகுதிகளும்   திருத்தி    அமைக்கப்படும்.   அதிகமான   தேர்தல்  தொகுதிகள்    திருத்தி   அமைக்கப்படும்   மாநிலமாக  ஜோகூர்   விளங்கும்.   அதன்   26  நாடாளுமன்றத்   தொகுதிகளில்  21   மாற்றத்துக்கு  உள்ளாகும்.

அதற்கு  அடுத்த  இடத்தில்    சிலாங்கூர்( 22 தொகுதிகளில்  18).  பிறகு  பேராக்(24 தொகுதிகளில்  17).

சாபாவின்   35   நாடாளுமன்றத்   தொகுதிகளில்    15-இன்    எல்லைகள்   திருத்தப்படும்.

இசி    முன்மொழிந்துள்ள    பரிந்துரைகளில்    பெர்லிசிலும்   புத்ரா  ஜெயா,  லாபுவான்    ஆகிய   கூட்டரசுப்  பிரதேசங்களிலும்   மட்டும்தான்   மாற்றங்கள்  இல்லை.