மந்திரி புசார் அட்னான் யாக்குபுக்கு முழு அதரவு தெரிவித்துக்கொண்ட பகாங்கின் 29 பிஎன் சட்டமன்ற உறுப்பினர்களும் அவரே மாநில அரசாங்கத்துக்குத் தொடர்ந்து தலைமை தாங்க வேண்டும் என்றும் கேட்டுக்கொண்டனர்.
அட்னானின் சேவை இன்னமும் தேவை என தோங் சட்டமன்ற உறுப்பினர் ஷகிருடின் அப் மோயின் கூறினார். குறிப்பாக 14வது பொதுத் தேர்தலில் மாநில தேர்தல் இயந்திரத்தை அவர் வழிநடத்துவது முக்கியம் என்றாரவர்.
“ஒற்றுமை உணர்வுடன் பகாங் சட்டமன்ற உறுப்பினர் அனைவரும், பகாங் சுல்தான் அஹ்மட் ஷாவின் ஆசியைப் பெற்றுள்ள அட்னானே தலைவராக நீடிக்க வேண்டும் என விரும்புகிறோம்”, என இன்று குவாந்தானில் நடைபெற்ற சிறப்புச் செய்தியாளர் கூட்டத்தில் ஷகிருடின் கூறினார்.
அட்னான் சுமார் 18 ஆண்டுகளாக பகாங் மந்திரி புசாராக இருக்கிறார்.
