அம்னோ   சுங்கை   புசார்   தொகுதித்   தலைவர்   ஜமால்   முகம்மட்  யூனுஸ்   தலைமையில்    சுமார்  50  சிவப்புச்   சட்டையினர்   இன்று   மலேசியாகினி   அலுவலகத்துக்கு    வந்தனர்.

பெரும்பாலும்  இளைஞர்களைக்   கொண்ட   அக்கூட்டம்  ‘மேரா,  மேரா (சிவப்பு,  சிவப்பு)’   என்றும்  ‘ஹஞ்சோர்  சோரோஸ் (சோரோஸ்  ஒழிக)’  என்றும்  முழக்கமிட்டது.

ஜமாலும்   அவருடன்  சில    சிவப்புச்   சட்டைப்   பிரதிநிதிகளும்   மலேசியாகினி   அலுவலகத்துக்குள்   அழைத்துச்   செல்லப்பட்டனர்.

அவர்களை   மலேசியாகினி  தலைமை    செய்தியாசிரியர்   ஸ்டீபன்  கான்,  செய்தியாசிரியர்கள்   ஆர்.கே.  ஆனந்த்,   ஜிமாடி   ஷா   ஒத்மான்   ஆகியோர்   சந்தித்தனர்.

அவர்களிடம்  “செய்தியாளர்  கூட்டம்”   நடத்துவதற்காக   மலேசியாகினி  வந்ததாக  ஜமால்   கூறினார்.

டஜனுக்கு  மேற்பட்ட   போலீசாரும்   அங்கிருந்தனர்.