மலேசியாகினி   அமெரிக்க   கோடீஸ்வரர்   ஜார்ஜ்   சோரோஸிடமிருந்து   மான்யம்   பெற்றதாகக்  கசிந்துள்ளதாக    தகவலை   விசாரிக்க   போலீஸ்    சிறப்புக்  குழு  ஒன்றை  அமைத்துள்ளது.

கூட்டரசு  குற்றப்புலனாய்வுத்  துறை    துணை  இயக்குனர்   ஒருவரின்   தலைமையில்  அக்குழு   செயல்படும்    என    இன்ஸ்பெக்டர்-  ஜெனரல்  அப்  போலீஸ்   காலிட்  அபு  பக்காரை   மேற்கோள்காட்டி   உத்துசான்   மலேசியா   ஆன்லைன்   தெரிவித்தது.

ஐவர்  அடங்கிய   அக்குழு     தகவல்களைச்  சேகரித்து  அவ்விவகாரம்    தொடர்பில்   விரிவாக   புலனாய்வு   செய்யும்    என  காலிட்   கூறினார்.

ஆனால்,  எந்தச்  சட்டத்தின்கீழ்  விசாரணை   மேற்கொள்ளப்படுகிறது   என்பதை   அவர்   தெரிவிக்கவில்லை.

இது   குறித்து    அறிந்துகொள்ள   மலேசியாகினி    காலிட்டைத்   தொடர்பு   கொண்டு  பதிலுக்காகக்    காத்திருக்கிறது.