கேலிச்  சித்திர    ஓவியர்    ஸுனார்,   தனக்கு  விதிக்கப்பட்டுள்ள  பயணத்   தடையை   இரத்துச்   செய்யக்  கோரி   நீதிமன்றத்தில்   மனு   கொடுத்திருக்கிறார்.

சுல்கிப்ளி    அன்வார்  அல்-ஹாக்     என்னும்  இயற்  பெயரைக்   கொண்ட  ஸுனார்   இன்று   கோலாலும்பூர்   உயர்  நீதிமன்றத்தில்  மனுவைத்    தாக்கல்    செய்தார்.

“சிங்கப்பூர்   தேசிய   பல்கலைக்கழகம்    என்னை   ஒரு   கருத்தரங்குக்கு    அழைத்துள்ளது.  ஆனால்,  குடிநுழைவுத்   துறை   என்  பெயர்  கருப்புப்  பட்டியலில்   உள்ளதாக   தெரிவித்தது.

“இன்ஸ்பெக்டர்-ஜெனரல்   அப்   போலீசின்   உத்தரவுதான்    அதற்குக்  காரணமாம்.  மேல்  விவரம்   எதுவும்   தெரிவிக்கவில்லை”,  என்று    அவர்  நீதிமன்றத்தில்     மனுவைத்   தாக்கல்    செய்த    பின்னர்   செய்தியாளர்களிடம்
கூறினார்.