இன்று காலை சுமார் 7 மணியளவில் இடம்பெற்ற விபத்துக்குப் பின்னர் சம்பவ இடத்திலிருந்து தப்பியோடிய கார் ஓட்டுநரைக் காவல்துறை தேடி வருகின்றனர்.
பெட்டாலிங் ஜெயா காவல்துறைத் தலைவர் ஷம்சுதீன் மாமாட் கூறுகையில், ஆரம்பகட்ட விசாரணைகளின்படி, அந்த வாகனம் கட்டுப்பாட்டை இழந்து சறுக்கிச் சென்று, கூட்டரசு நெடுஞ்சாலையின் இடதுபுறத்தில் உள்ள கரையோரத் தடுப்புச் சுவரில் மோதி விபத்துக்குள்ளானதாக நம்பப்படுகிறது.
கோலாலம்பூரை நோக்கிச் செல்லும் பெடரல் நெடுஞ்சாலையின் 34ஆவது கிலோமீட்டரில், இன்று அதிகாலை கட்டுப்பாட்டை இழந்து சறுக்கி, சாலை ஓரத்திலிருந்த மண் தடுப்பில் மோதிய கார் ஒன்றிலிருந்து தூக்கி வீசப்பட்ட இரு பெண்கள் உயிரிழந்தனர்.
தங்க நிற மெர்சிடிஸ் பென்ஸ் காரை 20 வயதுகளில் உள்ள ஆடவர் ஒருவர் ஓட்டிச் சென்றதாக நம்பப்படுவதாகவும், விபத்தைத் தொடர்ந்து அவர் சம்பவ இடத்திலிருந்து தப்பியோடியதால் அவரைத் தேடி வருவதாகவும் பெட்டாலிங் ஜெயா மாவட்டக் காவல்துறைத் தலைவர் ஷம்சுதீன் மாமாட் தெரிவித்தார்.
இச்சம்பவம் தொடர்பாக இன்று காலை சுமார் 7 மணியளவில் காவல்துறைக்குத் தகவல் கிடைத்ததாக அவர் கூறினார்.
ஆரம்பகட்ட விசாரணையில், கார் கட்டுப்பாட்டை இழந்து சறுக்கிய பின்னர் நெடுஞ்சாலையின் இடது பக்கத்திலிருந்த மண் தடுப்பில் மோதியிருக்கலாம் எனத் தெரியவந்துள்ளது.
“மோதலின் தாக்கத்தால் கார் சுழன்றுள்ளது. இதனால், காரின் பின்புற இருக்கையில் அமர்ந்திருந்த 20 மற்றும் 30 வயதுகளுடைய இரு பெண்களும் பின்புறக் கண்ணாடி வழியாகத் தூக்கி வீசப்பட்டனர்.
இருவரும் சம்பவ இடத்திலேயே உயிரிழந்ததாக உறுதிப்படுத்தப்பட்டது.
“கவனக்குறைவாக அல்லது ஆபத்தான முறையில் வாகனம் ஓட்டி உயிரிழப்பை ஏற்படுத்திய குற்றத்திற்காக, 1987ஆம் ஆண்டு சாலைப் போக்குவரத்துச் சட்டத்தின் பிரிவு 41(1)-இன் கீழ் இவ்வழக்கு விசாரிக்கப்படுகிறது,” என்று பெர்னாமா செய்தி வெளியிட்டுள்ளது.
























