புதிய முதமைச்சர் அபாங் ஜொஹாரி ஒபெங் தலைமைத்துவத்தின் கீழ் சரவாக் மாநில அரசாங்கம் ஹூடுட் சட்டத்தை எதிர்ப்பதில் தொடர்ந்து உறுதியாக இருக்கும்.

சரவாக் ஹூடுட் சட்டத்தை ஏற்றுக்கொள்ளாது என்பதை உறுதிப்படுத்த விரும்புவதாகவும், அந்த விவகாரத்தில் சரவாக் முன்னாள் முதலமைச்சர் அடினான் சாதெம்மின் நிலைப்பாட்டை ஏற்றுக்கொள்வதாகவும் அபாங் ஜொஹாரி கூறினார்.

சரவாக் பாரிசான் பங்காளித்துவக் கட்சிகள் சட்டம் 355 க்கான திருத்தங்களுக்கு வாக்களிக்க வேண்டுமா என்று கேட்டதற்கு அது பிரதமருக்கும் பிஎன் கட்சிகளுக்குமிடையிலான கூட்டத்தின் முடிவைப் பொறுத்தது என்று ஜொஹாரி கூறினார்.

தாம் முதலாவது கூட்டத்தில் மட்டுமே கலந்து கொண்டதாகவும், இரண்டாவது கூட்டத்தின் போது சீனாவில் இருந்ததாகவும் கூறிய ஜொஹாரி, தமக்குப் பதிலாக டக்ளஸ் உகா இரண்டாவது கூட்டத்தில் கலந்து கொண்டாதாக அவர் மேலும் கூறினார்.