நவம்பர் 12இல் நடைபெற்ற கட்சி மறுதேர்தல் தொடர்பான ஆவணங்களைச் சங்கப் பதிவகத்திடம் வழங்கியதன்வழி டிஏபி அதன் பொறுப்புகளை நிறைவேற்றி விட்டதாக கட்சியின் அமைப்புச் செயலாளர் அந்தோனி லோக் இன்று கூறினார்.
மத்திய செயல்குழுவின் மறுதேர்தல் தொடர்பான ஆவணங்கள் எல்லாம் கொடுக்கப்பட்டு விட்டன.
“இதில் ஆர்ஓஎஸ் திருப்தியுற்று டிஏபி-இன் அதிகாரப்பூர்வ தகுதியை நிலைநிறுத்த வேண்டும். இதற்குப் பிறகும் அது பிரச்னை தராது என்று நம்புகிறோம்”, என்று புத்ரா ஜெயாவின் ஆவணங்களைச் சேர்ப்பித்த பின்னர் செய்தியாளர்களிடம் அவர் தெரிவித்தார்.
ஆர்ஓஎஸ் அதிகாரி எஸ்.எச். சல்மா ஆவணங்களைப் பெற்றுக்கொண்டார். ஆவணங்களில் 2015 நிதி அறிக்கை, பாரம் 9 என்றழைக்கப்பட்டும் சரிபார்ப்புப் பட்டியல், டிஏபி சிறப்புக் கூட்டத்தின் நடவடிக்கைக் குறிப்புகள், புதிய செயல்குழு உறுப்பினர் பட்டியல் ஆகியவை உள்ளிட்டிருந்தன.
