பிகேஆர் துணைத் தலைவர் அஸ்மின் அலி, அவர் சம்பந்தப்பட்டதாகக் கூறப்படும் ஆபாச காணொளிகள் கசியவிடப்பட்டது கட்சியில் உள்ள சிலரது கைங்கரியம் என்று உறுதியாக நம்புகிறார்.
ஆபாச காணொளி சமூக ஊடகங்களில் பரவலான பிறகு மாநில பிகேஆர் தலைவர் ஒருவரைக் காணவில்லை என்று செய்தி வெளிவந்திருப்பதை அடுத்து ஆபாச காணொளிகள் கட்சியில் நடக்கும் உள்குத்து வேலையாக இருக்கலாமோ என்று வினவியதற்கு, “அதை நான் உறுதியாக நம்புகிறேன்” என்று ஒன்றுக்கு இரண்டு முறை வலியுறுத்திக் கூறினார் அஸ்மின்.
அது சிலரின் அரசியல் சதி என்ற எண்ணம் தொடக்கத்திலிருந்தே இருந்தது என்றாரவர்.
“அது என் முன்னேற்றத்தையும் அரசாங்கத்திலும் அரசியலிலும் என் செயல்பாடுகளையும் தடுக்கு நோக்கம். இதற்குப் பின்னணியில் உள்ளவர்களை மக்கள் அறிவார்கள்”, என்றாவர். அவர் யாருடைய பெயரையும் குறிப்பிடவில்லை.
