சீனாவிலிருந்து மலேசியா வரும் அனைத்து விமானங்களையும் தடை செய்வது குறித்து அரசாங்கம் ஆலோசித்து வருவதாக பிரதமர் டாக்டர் மகாதீர் முகமது தெரிவித்தார்.
சீனாவிலிருந்து வரும் அனைத்து விமானங்களையும் தற்காலிகமாக தடை செய்வதாக இன்று முன்னதாக அறிவிக்கப்பட்ட சபா மற்றும் சரவாக் அரசாங்கங்களின் நடவடிக்கைகளை புத்ராஜெயா பின்பற்றுமா என்று அவரிடம் கேட்கப்பட்டது.
“தேவையில்லை. சீனாவிலிருந்து அனைத்து விமானங்களையும் நிறுத்த வேண்டுமா அல்லது வுஹான் மற்றும் ஹூபே பிராந்தியத்திலிருந்து மட்டுமே நிறுத்த வேண்டுமா என்று ஆராய்ந்து வருகிறோம்” என்று பிரதமர் கூறினார்.
இன்று, போர்னியோ போஸ்ட் சபா துணை முதல்வர் கிறிஸ்டினா லீவ் சீனாவிலிருந்து சபாவுக்கு திட்டமிடப்பட்ட அனைத்து விமானங்களையும், நிறுத்த முடிவு செய்துள்ளதாக அறிவித்தார்.
மக்களின் நலனுக்காக இந்த முடிவு எடுக்கப்பட்டுள்ளதாகவும், இது உடனடியாக நடைமுறைக்கு வரும் என்றும் லீவ் தெரிவித்தார்.
சீன மாணவர்கள் சரவாக் மாநிலத்திற்குள் நுழைவதைத் தடைசெய்து சரவாக் அரசும் உத்தரவு பிறப்பித்துள்ளது.
பெரித்தா ஹரியான் செய்தி படி, சரவாக் மாநில பேரிடர் மேலாண்மை குழு, சமீபத்தில் தங்கள் நாடுகளில் இருந்து குறிப்பாக ஹூபே மாகாணத்திலிருந்து, திரும்பி வந்த அனைத்து சீன மாணவர்களும், தங்களைத் தாங்களே வீட்டில் தனிமைப்படுத்திக் கொள்ளுமாறு அறிவுறுத்தியது.
