கோவிட்-19 நேர்மறை பாதிப்பில் புத்ராஜெயா, ஜாசின் மற்றும் ரெம்பாவ் இப்போது சிவப்பு மண்டலத்தின் கீழ் உள்ளன.
இந்த மூன்று பகுதிகளும் நாட்டின் 19, 20 மற்றும் 21வது பகுதிகள் என்று பெயரிடப்பட்டுள்ளன.
நேற்று மதியம் 12 மணி நிலவரப்படி, புத்ராஜெயாவில் 41 பாதிப்புகளும், மலாக்கா ஜாசினில் 42 பாதிப்புகளும், நெகிரி செம்பிலனில் உள்ள சிரம்பானில் 41 பாதிப்புகளும் பதிவாகியுள்ளன.
“ஏப்ரல் 6 மதியம் 12 மணி நிலவரப்படி சமீபத்திய புள்ளிவிவரங்களின் அடிப்படையில் சிவப்பு மண்டலம் இப்போது 21ஆக அதிகரித்துள்ளது”.
“சிவப்பு மண்டலத்தின் புதிய பகுதிகள் புத்ராஜெயா, ஜாசின் மற்றும் ரெம்பாவ்”.
“வீட்டில் இருங்கள், கூடல் இடைவெளி மற்றும் உங்கள் தனிப்பட்ட ஆரோக்கியத்தை மேம்படுத்துங்கள்” என்று தேசிய பாதுகாப்பு கவுன்சில் ட்விட்டர் அறிக்கையில் தெரிவித்துள்ளது.
40க்கும் மேற்பட்ட நேர்மறையான கொரோனா வைரஸ் பாதிப்புகள் அடையாளம் காணப்பட்டு இருக்கும் ஒரு பகுதி சிவப்பு மண்டலம் என்று வகைப்படுத்தப்படும்.
நேற்று, செராஸ் 18வது சிவப்பு மண்டல மாவட்டமாக வகைப்படுத்தப்பட்டு, கோலாலம்பூரின் முழுப் பகுதியும் கோவிட்-19 சிவப்பு மண்டலமாகவும் அறிவிக்கப்பட்டது. செராஸில் தற்போது 45 நேர்மறையான நோய்கள் உள்ளன.
சிவப்பு மண்டலங்களாக பட்டியலிடப்பட்ட பிற மாவட்டங்களில் கிளந்தானில் கோத்தா பாரு (82 பாதிப்புகள்); பகாங்கில் ஜெராண்டூட் (61 பாதிப்புகள்); சிலாங்கூரில் பெட்டாலிங் (296 பாதிப்புகள்), ஹுலு லங்காட் (394 பாதிப்புகள்), கோம்பக் (110 பாதிப்புகள்) மற்றும் கிள்ளான் (112 பாதிப்புகள்)
கோலாலம்பூரில் கெப்போங் (116 பாதிப்புகள்), லெம்பா பந்தாய் (386 பாதிப்புகள்), தீத்தீவாங்சா (93 பாதிப்புகள்); மற்றும் ஜொகூரில் குவாங் (170); ஜொகூரில் பத்து பாஹாட் (47 பாதிப்புகள்), ஜோகூர் பாரு (145 பாதிப்புகள்), குளுவாங் (170 பாதிப்புகள்); பேராக்கில் ஹீலீர் பேராக் (65 பாதிப்புகள்) கிந்தா (87 பாதிப்புகள்), சபாவில் தவாவ் (67 பாதிப்புகள்) மற்றும் சரவாக் கூச்சிங்கில் (174 பாதிப்புகள்).
இன்றுவரை, ஜொகூர் குளுவாங்கில் இரண்டு பகுதிகள், சிலாங்கூர் ஹுலு லங்காட்டில் சுங்கை லூய், மற்றும் கோலாலம்பூரில் உள்ள சிட்டி ஒன் டவர் பகுதிகளில் கோவிட்-19 நேர்மறை வழக்கு அதிகரிப்பைத் தொடர்ந்து மேம்பட்ட நடமாட்டக் கட்டுப்பாடு உத்தரவின் கீழ் வைக்கப்பட்டுள்ளன.
இன்றுவரை, மலேசியாவில் 3,793 கோவிட் -19 பாதிப்புகள் பதிவாகியுள்ளன, அவற்றில் 62 பேர் இறந்துள்ளனர், 1,241 பேர் முழுமையாக குணமடைந்து மருத்துவமனையில் இருந்து வெளியேற்றப்பட்டுள்ளனர்.
