புதிய ஆணையைப் பெறுவதற்கு பாக்காத்தான் ஹராப்பானின் கீழ் உள்ள மாநில அரசு தேர்தலை நடத்த இன்னும் நேரம் உள்ளது என்று பினாங்கு முதல்வர் சோவ் கோன் யோவ் கூறினார்.
எவ்வாறாயினும், மத்திய மட்டத்தில் ஒரு தேர்தலுக்கான சாத்தியம் தவிர்க்க முடியாதது என்றும், அந்த சாத்தியங்கள் அனைத்தையும் எதிர்கொள்ள பக்காத்தான் ஹராப்பான் தயாராக இருக்கும் என்றும் அவர் கூறினார்.
“மூன்று வருடங்களுக்கும் குறைவான பாக்காத்தான் ஹராப்பான் மாநிலங்கள் உண்மையில் நிலையான மாநிலங்களாகும். இங்கு தேர்தல் நடத்துவதற்கு அவசரம் இல்லை என்று கூறலாம். சபாவில் நடந்ததைப் போன்று எதிப்பாராத சூழ்நிலைகள் ஏற்பட்டால் அதன் பின்னர் தேர்தலை நடத்தலாம்.”
“அனைத்திற்கும் நாங்கள் தயாராக இருக்க வேண்டும்” என்று அவர் இன்று செய்தியாளர்களிடம் கூறினார்.
அடுத்த சபா மாநிலத் தேர்தலுடன் பொதுத் தேர்தல் நடைபெறும் வகையில் நாடாளுமன்றம் கலைக்கப்படுவதற்கான சாத்தியக்கூறுகள் குறித்து கருத்து கேட்கப்பட்டபோது பினாங்கு தலைவரான சோவ் இவ்வாறு கூறினார்.
