உள்ளூர் மதுபான சின்னமான ‘தீமா’ மீதான சர்ச்சையைத் தொடர்ந்து, தர்க்கரீதியாக சிந்திக்க சமூகம் கற்றுக்கொள்ள வேண்டும் என்று பெங்கராங் நாடாளுமன்ற உறுப்பினர் அஸலினா ஓத்மான் கூறினார்.

“தொடக்கத்திலிருந்து, சிறுவர்கள் <i>ஹாட் டாக், கோனி டாக் போன்றவற்றைச் சாப்பிடுகிறார்கள், அதனால் என்ன? என் பிள்ளைக்கு ஹாட் டாக் சாப்பிடுவது பிடிக்கும், சாப்பிடக் கூடாது என்று நான் சொல்லமாட்டேன்… எனவே இது முக்கியம் என்று நினைக்கிறேன், தர்க்கரீதியாக சிந்திக்க நம் சமூகத்திற்குக் கற்றுக்கொடுக்க வேண்டும்,” என்றார் அவர்.

இன்று, மக்களவையில், வர்த்தக விளக்கங்கள் (திருத்தம்) மசோதா 2021-இன் நிறைவு அமர்வில், உள்நாட்டு வர்த்தகம் மற்றும் நுகர்வோர் விவகாரங்களின் துணை அமைச்சர் ரொசோல் வாஹிட்டின் முறையின் போது, இடையில் நுழைந்து அஸாலினா இவ்வாறு கூறினார்.

எந்தவொரு பிரச்சினையையும் சில தரப்பினரின் நலனுக்காகவும் இலாபத்திற்காகவும் பயன்படுத்திக் கொள்ளாத வகையில் முதிர்ந்த, விவேகமான மற்றும் பொறுப்புள்ள சமுதாயத்தை உருவாக்க வேண்டிய அவசியம் உண்மையில் உள்ளது என்று ரோசோல் கூறினார்.

“இது (தயாரிப்புப் பெயரை தவறாகப் புரிந்துகொள்வது) ஒரு முன்னோடியாக இருப்பதை நாங்கள் விரும்பவில்லை … அடுத்து (ஒருவேளை) ரூட் பீர் (சிக்கல்) வரலாம். இதற்கு முடிவே இருக்காது,” என்றார்.

இதற்கிடையில், மக்களவை அமர்வு இன்று வர்த்தக விளக்கங்கள் (திருத்தம்) மசோதா 2021-ஐ நிறைவேற்றியது, இது வர்த்தக விளக்கங்கள் சட்டம் 2011 (சட்டம் 730)-ஐ திருத்த முற்படுகிறது, அதன் செயல்பாடுகளைக் காலமாற்றத்திற்கு ஏற்ப இன்னும் விரிவானதாக மறுகட்டமைக்க மற்றும் பலப்படுத்துகிறது.

சரக்குகள் மற்றும் சேவைகளை வழங்குவது தொடர்பாக தவறான விளக்கங்கள், அறிக்கைகள், கையாளுதல் மற்றும் தவறான அல்லது தவறான நடைமுறைகளைத் தடை செய்வதன் மூலம் நல்ல வர்த்தக நடைமுறைகளை மேம்படுத்துவதற்காக சட்டம் 730 இயற்றப்பட்டது.

-பெர்னாமா