கோவிட்-19 சுய-பரிசோதனை கருவிகள் இப்போது 99 ஸ்பீட்மார்ட்டில் ஒரு யூனிட்டுக்கு RM4.90 என்ற விலையில் கிடைக்கிறது.
இந்த முயற்சியால் மகிழ்ச்சியடைந்த உள்நாட்டு வர்த்தகம் மற்றும் நுகர்வோர் விவகார அமைச்சர் அலெக்சாண்டர் நந்தா லிங்கி, நாட்டில் கோவிட்-19 நோய்த்தொற்றைக் கட்டுப்படுத்தும் மற்றும் குறைக்கும் முயற்சியில் மக்களின் சுமையைக் குறைக்க வர்த்தகர்களின் ஒத்துழைப்பு மிகவும் பாராட்டத்தக்கது என்றார்.
இன்று கோலாலம்பூரில் உள்ள புன்சாக் சென்டுலில் 99 ஸ்பீட்மார்ட்டின் 2,000வது கிளையை திறக்கும் போது, தனது பேஸ்புக் தளத்தில் ”அதிக வளாகங்கள் இதே நடவடிக்கையை விரைவில் எடுக்கும் என்று நான் நம்புகிறேன்,” என்றார்.
பல்வேறு பொருளாதாரத் துறைகள், வேலைவாய்ப்பு, பள்ளிகள் மற்றும் கல்வி நிறுவனங்கள் திறக்கப்படுவது கோவிட்-19 சுய பரிசோதனை கருவிகளுக்கான தேவையை அதிகரிக்கும் என்று நந்தா கூறினார்
“மக்கள் அடிக்கடி சுயபரிசோதனைகளை மேற்கொள்ளும் வகையில், மலிவு விலையில் கிட் விற்கப்பட வேண்டும் என்று நான் நிச்சயமாக விரும்புகிறேன்,” என்று அவர் கூறினார்.
கிட்டின் அதிகபட்ச சில்லறை விலையை RM19.90 ஆக அரசாங்கம் நிர்ணயித்துள்ளது மற்றும் மொத்த விற்பனை விலை செப்டம்பர் 5 முதல் ஒரு யூனிட்டுக்கு RM16 ஆக உள்ளது.
உள்நாட்டு வர்த்தகம் மற்றும் நுகர்வோர் விவகார அமைச்சகம், சுகாதார அமைச்சகம் மற்றும் மருத்துவ சாதன ஆணையத்தால் (MDA) அங்கீகரிக்கப்பட்ட கோவிட்-19 சுய பரிசோதனை கருவிகளை விற்பனை செய்ய பல்பொருள் அங்காடிகள் மற்றும் சங்கிலி கடைகள் போன்ற நாடு முழுவதும் 7,302 வளாகங்களை அனுமதித்துள்ளது.
முன்னதாக, கோவிட்-19 சுய-பரிசோதனை கருவிகள் தேர்ந்தெடுக்கப்பட்ட கிளினிக்குகள் மற்றும் மருந்தகங்களில் விற்க நிபந்தனைக்குட்பட்ட MDA அனுமதியைப் பெற்றன.
