பகாங் டிஏபி (இளைஞரணி துணைத்தலைவர்) கிறிஸ் ஷான், டிஏபி சேவை மையத்திற்கு வெளியே போராட்டம் நடத்திய பிகேஆர் உறுப்பினர்களை “அம்னோ குண்டர்கள்” ( சம்செங் அம்னோ) என ஒப்பிட்டுள்ளார்

பிகேஆர் தலைவர் அன்வார் இப்ராகிம் பக்காத்தான் ஹராப்பான் தலைவர் பதவியில் இருந்து விலக வேண்டும் என்று பிலுட் சட்டமன்ற உறுப்பினர் லீ சின் சென்னின் சேவை மையத்திற்கு வெளியே நேற்று பிகேஆர் அடிமட்ட உறுப்பினர்கள் போராட்டம் நடத்தியதைக் குறிப்பிட்டு ஷான் இவ்வாறு கூறினார்.

நேற்று மாலை பிலுட் சட்டமன்ற உறுப்பினர் அலுவலகத்தில் பரபரப்பை ஏற்படுத்திய பகாங் பிகேஆர் பிரதிநிதிகளை நான் கடுமையாக கண்டிக்கிறேன்.

இந்தக் கலவரம் அம்னோ குண்டர்களின் நடத்தையில் இருந்து வேறுபட்டதாகத் தெரியவில்லை.

“ஒய்பி லீயின் அறிக்கையை பிகேஆர் பகாங் ஏற்கவில்லை என்றால், குண்டர்களைப் போல பெரும் சத்தம் போடுவதற்குப் பதிலாக, அவர்கள் குற்றச்சாட்டு தவறு என்று நிரூபிக்க ஆதாரங்களை முன்வைக்கலாம்,” என்று அவர் ஒரு அறிக்கையில் தெரிவித்துள்ளார்.

அம்னோவில் இருந்து விலகியவர்களை ஹரப்பான் வேட்பாளராக ஏற்றுக்கொள்ளும் எதிர்க்கட்சித் தலைவரின் முடிவால், மலாக்கா தேர்தலில் ஹராப்பானின் மந்தமான செயல்பாட்டிற்கு அன்வாரை லீ குற்றம் சாட்டியிருந்தார்.

பகாங் பிகேஆர் உறுப்பினர்கள் அரசியல் விலகல் கலாச்சாரத்தை ஆதரிக்கிறார்களா என்று ஷான் கேள்வி எழுப்பினார்.

லீக்கு எதிராக ஆர்ப்பாட்டம் செய்வதற்குப் பதிலாக மலாக்கா பின்னடைவைப் பற்றி சிந்திக்க வேண்டும் என்று டிஏபி தலைவர் மேலும் கூறினார்.

பிகேஆர் உறுப்பினர்கள் லீ அறிக்கையை திரும்பப் பெற வேண்டும் என்று கோரினர்.

பகாங் டிஏபி இளைஞர்கள் லீயை ஆதரிப்பார்கள் என்றும் அவரது அறிக்கைக்கு ஆதரவாக நிற்கும் முடிவை ஆதரிப்பதாகவும் ஷான் கூறினார்.