பெஜுவாங் தலைவர் முக்ரிஸ் மகாதீர் அடுத்த பொதுத் தேர்தலில் லங்காவி நாடாளுமன்றத் தொகுதியில் போட்டியிடப் போவதாக வெளியான வதந்திகளை நிராகரித்துள்ளார்.

ஜெர்லுன் எம்.பி.யாக இருக்கும் முக்ரிஸ், தனது தற்போதைய தொகுதியில் தான் மகிழ்ச்சியாக இருப்பதாகவும், தனது தந்தை முன்னாள் பிரதம மந்திரி டாக்டர் மகாதீர் முகமட் பிரதிநிதித்துவப்படுத்தும் லங்காவி உட்பட வேறு இடங்களில் போட்டியிட தனக்கு எந்த காரணமும் இல்லை என்றும் கூறியுள்ளார்.

“இதுவரை எந்த முடிவும் எடுக்கப்படவில்லை, ஆனால் நான் ஜெர்லூனில் பயணிக்க விரும்புகிறேன். நான் நீண்ட காலமாக இங்கு இருக்கிறேன், இங்கிருந்து செல்லவேண்டியதற்கு எனக்கு எந்த காரணமும் இல்லை, ”என்று ஐடில்பிரிட்ரி  நிகழ்வுக்குப் பிறகு செய்தியாளர்களிடம் அவர்  கூறினார்.

பெஜுவாங் தலைவராக இருக்கும் மகாதீர், தனது வயது மற்றும் உடல்நிலை காரணமாக அடுத்த பொதுத் தேர்தலில் போட்டியிடப் போவதில்லை என்று மார்ச் மாதம் தெரிவித்ததாக செய்திகள் வெளியாகின.

அவரது அறிக்கைக்கு பின் ஜெர்லூனை விட்டு முக்ரிஸ் லங்காவியில் போட்டியிடக்கூடும் என்ற யூகம் எழும்பியது.

பெரும்பாலான தலைவர்கள் இந்த மாநிலத்தைச் சேர்ந்தவர்கள் அதனால் கெடாவில் பெஜுவாங் நன்கு ஏற்றுக்கொள்ளப்பட்டதாக முக்ரிஸ் கூறினார்.

“கெடாவில் பெஜுவாங்கை ஏற்றுக்கொள்வது மற்ற மாநிலங்களுடன் ஒப்பிடும்போது சற்று வித்தியாசமானது, மேலும் இது மற்ற மாநிலங்களுக்கு கவனம் செலுத்தவில்லை என்று அர்த்தமல்ல,மற்ற மாநிலங்களும் முக்கியமானவை,” என்று அவர் கூறினார்.

FMT