GE15 | வெள்ளத்தால் பாதிக்கப்படக்கூடிய தொகுதிகளில் வாக்குப்பதிவு நேரத்தை நீட்டிப்பதா என்பதை இப்போது முடிவு செய்யுமாறு PKR துணைத் தலைவர் நூருல் இசா அன்வர் தேர்தல் ஆணையத்தை வலியுறுத்தியுள்ளார்.

இது வாக்காளர்களுக்கும், வேட்பாளர்களுக்கும் வாக்களிக்கும் செயல்முறையைத் தயார்படுத்தவும் திட்டமிடவும் உதவும் என்றார்.

பக்காத்தான் ஹராப்பானின் பெர்மாடாங்  பாவ் தேர்தல் இயந்திரத்தின் தலைமையகமான பெனாண்டியில் உள்ள யயாசன் அமானில் நடைபெற்ற ஊடகவியலாளர் சந்திப்பின்போது நூருல் இசா இதனைத் தெரிவித்தார்.

ஹராப்பனின் நிபோங் டெபல் வேட்பாளர் ஃபத்லினா சைடெக்(Fadhlina Sidek) மற்றும் ஹராப்பானின் பயான் பாரு வேட்பாளர் சிம் ட்ஸே ட்ஜின்(Sim Tze Tzin.) ஆகியோரும் உடனிருந்தனர்.

“கடைசி நிமிட முடிவுகள் வாக்காளர்களுக்கும் வேட்பாளர்களுக்கும் சிரமத்தை ஏற்படுத்தும், ஏனென்றால் அவர்கள் அவசர திட்டங்களை உருவாக்குவது மிகவும் தாமதமானது”.

“இது வெள்ளம் ஏற்படக்கூடிய தொகுதிகளில் உள்ளது, அங்கு வாக்குப்பதிவு மையங்கள், குறிப்பாகப் பள்ளிகள் நீருக்கடியில் இருக்கலாம்,” என்று அவர் மேலும் கூறினார்.

“இது அம்னோ அல்லது BN இன் நாடு அல்ல. இது மலேசியா மற்றும் தேர்தல் ஆணையம் அதன் சொந்த முடிவை எடுக்க வேண்டும், அம்னோ மற்றும் BN ஆகியவற்றின் தாக்கத்திற்கு ஆளாகக் கூடாது,” என்று அவர் மேலும் கூறினார்.

வாக்குப்பதிவு நேரத்தை இரவு 9 மணிவரை அல்லது நள்ளிரவு அல்லது அடுத்த நாள்வரை தேர்தல் ஆணையம் நீட்டிக்க முடியும் என்று அவர் கூறினார்.

“ஆனால், கடைசி நிமிட முடிவுகளை எடுப்பதன் மூலம் மற்றவர்களை முடக்க வேண்டாம், இது அனைவருக்கும் நிறைய அசௌகரியங்களை உருவாக்கும்,” என்று அவர் மேலும் கூறினார்.

இந்தத் தொகுதிக்கான ஹராப்பானின் வேட்பாளர் இறந்த பின்னர் படாங் செராய் நிலையை முடிவு செய்ய நாளைக் கூடத் தேர்தல் ஆணையம் முடிவு செய்திருப்பது குறித்து நூருல் இசா தனது ஏமாற்றத்தை வெளிப்படுத்தினார், அதற்குப் பதிலாக ஆணையம் உடனடியாகக் கூடியிருக்க வேண்டும் என்று கூறினார்.

நிபோங் டெபல் மற்றும் பாலிக் புலாவ் ஆகிய இடங்களில் ஹராப்பான் வேட்பாளர்களுக்கு அமோக ஆதரவு இருப்பதாக நூருல் இசா கூறினார்.

GE15 க்குப் பிறகு ஹராப்பான் புதிய அரசாங்கத்தை அமைப்பதை உறுதி செய்வதற்காக, வெளிமாநில வாக்காளர்கள் தங்கள் கிராமங்களுக்குத் திரும்பி வாக்களிக்கும்படி அவர் வேண்டுகோள் விடுத்தார்.

வாக்காளர்களின் உணர்வுகளைத் தூண்டும் வகையில் மத, இனப் பிரச்சினைகளைத் தூண்டும் அரசியல் கட்சிகளின் தந்திரங்கள்குறித்து வாக்காளர்கள் எச்சரிக்கையாக இருக்க வேண்டும் என்றும் அவர் அறிவுறுத்தினார்.