இரண்டு ஆண்டுகளுக்கு முன்பு நடந்த ஒரு சம்பவத்தில், தண்ணீர் நிரப்பப்பட்ட ஒரு பெரிய பள்ளத்தில் விழுந்ததால் இடது கால் துண்டிக்கப்பட்ட ஒரு நபருக்கு ரிம652,000 இழப்பீடு வழங்கக் கோத்தா பாரு செஷன்ஸ் நீதிமன்றம் நேற்று உத்தரவிட்டது.

இந்த விசயத்தில் அரசாங்கத்தின் சாலை பராமரிப்பு ஒப்பந்ததாரர் அலட்சியமாக இருப்பதை நீதிமன்றம் கண்டறிந்த பின்னர் நீதிபதி முகமது ஜுல் ஜகிகுடின் சுல்கிஃப்லி இந்தத் தீர்ப்பை வழங்கினார்.

34 வயதான தெங்கு முஹமத் காஜி ஹக்கிமி கு ஹசின்(Tengku Muhamad Khazi Hakimi Ku Hussin), 2019 டிசம்பர் 1 அன்று, மசாங்கில் உள்ள ஜாலான் கோத்தா பாரு-கோலா கிராயின் KM 53 இல் பள்ளத்தில் விழுந்தார்.

அவரது வழக்கறிஞர்கள் வஹாப் சே கோப்(Wahab Che Kob) மற்றும் நோர் அஸ்மிசா ஹுசின்(Nor Asmiza Husin) ஆகியோர், Roadcare Malaysia Sdn Bhd மற்றும் அரசாங்கத்திற்கு எதிராக இந்தக் கூற்றுக்கள் கூறப்பட்டதாகத் தெரிவித்தனர்.

முந்தைய நடவடிக்கைகளில், காசியின் (மேலே) வழக்கறிஞர்கள், சாலைப் பராமரிப்பு குழி இருப்பதை மறுத்ததாகக் கூறினர்.

“ஆனால், ஆதாரங்கள் மற்றும் சாட்சியங்களின் அடிப்படையில், பள்ளத்தில் தண்ணீர் நிரம்பியதால் விபத்து ஏற்பட்டது என்று நீதிமன்றம் கண்டறிந்தது, மேலும் இது குற்றம் சாட்டப்பட்டவர்களின் அலட்சியத்தால் ஏற்பட்டது, ரோட்கேர் அரசாங்கத்தின் பராமரிப்பு ஒப்பந்ததாரர்,” என்று அவர்கள் இன்று மலேசியாகினியிடம் தெரிவித்தனர்.

பிரதிவாதிகளை எஸ் சிவ சங்கர் மற்றும் அஸ்மா சே வான் ஆகியோர் பிரதிநிதித்துவப்படுத்தினர்.