அமைச்சரவை உறுப்பினர்களை நியமிப்பது தொடர்பாக அனைத்து தரப்பினரின் கருத்துக்களையும் கருத்தில் கொள்வதாகப் பிரதமர் அன்வார் இப்ராகிம் தெரிவித்துள்ளார்.
இந்த விவகாரம் இன்னும் விவாதிக்கப்பட்டு வருகிறது என்றார்.
“ஆனால் சட்டப்பூர்வ நிலைப்பாட்டிலிருந்து எங்களுக்குத் தெரிந்தபடி, தண்டனை விதிக்கப்பட்டால் மட்டுமே … மீதமுள்ளவை பரிசீலிக்கப்படும்,” என்று அவர் இன்று மாலை பக்காத்தான் ஹராப்பான் தலைமை மன்ற கூட்டத்திற்குப் பிறகு செய்தியாளர்களிடம் கூறினார்.
அம்னோ தலைவர் அஹ்மட் ஜாஹிட் ஹமிடி துணைப் பிரதம மந்திரி பதவிக்கு நியமிக்கப்படுகிறார் என்ற ஊகங்களுக்கு மத்தியில், குற்றம் நிரூபிக்கப்படும் வரை அனைத்துக் கட்சிகளும் நிரபராதிகள் என்று கருதப்படுவார்கள் என்ற கருத்தில் அன்வார் சூசகமாக இருக்கலாம்.
அமைச்சரவை நியமனங்கள் எப்போது அறிவிக்கப்படும் என்று கேட்கப்பட்ட கேள்விக்கு, “முடிந்தவரை விரைவில்” அது நடக்கும் என்று அன்வார் கூறினார்.
முந்தைய நிர்வாகங்களுடன் ஒப்பிடுகையில் ஒரு சிறய குழுவைக் கொண்டிருக்க அவர் விரும்பியதால் அமைச்சரவை நியமனங்கள் நேரத்தை எடுத்துக் கொள்கின்றன என்று அன்வார் மேலும் கூறினார்.
“நான் சொன்னது போல, இது வழக்கமானது அல்ல. இந்த ஒற்றுமை அரசாங்கம் பல கட்சிகளை உள்ளடக்கியது, எனவே நான் ஒரு முடிவை எடுப்பதற்கு முன்பு, நான் அனைத்து கருத்துக்களையும் கேட்க வேண்டும்”.
“மேலும், இது ஒரு சிறிய அமைச்சரவை. முன்பு, அவர்கள் யாரையும் உள்ளே வைத்தார்கள். 50 (அமைச்சர்கள்) சரி, 60 சரி, 70 சரி… அதுவும் கூடப் போதுமானதாக இல்லை. சிறப்புத் தூதர்கள் இருந்தார்கள்… சிறப்பு ஆலோசகர்கள். என்னால் அதைச் செய்ய முடியாது,” என்று அவர் கூறினார்.
