2020 முதல் இந்த ஆண்டு வரை அரசு செலவுகளான 620 பில்லியன் ரிங்கிட் நிதிநிலை அறிக்கையில் பதிவு செய்யப்படவில்லை என்ற கூற்றை முன்னாள் பிரதமர் இஸ்மாயில் சப்ரி யாக்கோப் மறுத்துள்ளார்.
அரசாங்கம் வழங்கிய ஊக்குவிப்புப் சலுகைகள் தொடர்பான கூற்று உண்மையல்ல என்றும் அனைத்து அரசாங்க செலவினங்களும் நிதிநிலை அறிக்கைகளில் பதிவு செய்யப்பட்டுள்ளதாகவும் இஸ்மாயில் கூறினார்.
“எட்டு ஊக்கப் சலுகைகள் மொத்த மதிப்பு 530 பில்லியன் ரிங்கிட், அவற்றில் பெரும்பாலானவை அரசாங்க செலவினங்களை உள்ளடக்கியவை அல்ல.
“அரசாங்கத்தின் நேரடி செலவு 110 பில்லியன் ரிங்கிட் மட்டுமே மற்றும் அந்த ஒதுக்கீடு நாடாளுமன்றத்தால் ஒருமனதாக அங்கீகரிக்கப்பட்டது,” என்று அவர் தனது ட்விட்டரில் பதிவில் தெரிவித்துள்ளார்.
கோவிட் -19 தொற்றுநோயின் உச்சத்தில் பல்வேறு பொது அடைப்புகள் மற்றும் அவசரநிலையின் போது 620 பில்லியன் ரிங்கிட் அரசாங்க நிதிநிலை அறிக்கைகளில் பதிவு செய்யப்படவில்லை என்று குற்றம் சாட்டிய @mohayusba இன் ட்வீட்டைக் குறிப்பிட்டு இவ்வாறாக அவர் பதிலளித்தார்.
மேலும், இஸ்மாயில் மற்றும் அவரது முன்னோடியான முஹ்யிடின் யாசின், “வேறு யாரும் பிரதமராக இருப்பதை விரும்பவில்லை” என்பதற்கான காரணம் இதுதான் என்றும் அந்த பயனர் தனது பதிவில் கூறியுள்ளார்.
-FMT
