பிரதமர் அன்வார் இப்ராகிம் இன்று தம்புனில் ஆற்றிய உரையில், அனைத்து அரசியல் கட்சிகளும் தனது அரசாங்கத்தை ஆதரிப்பதற்கும், மக்களுக்கு உதவுவதில் கவனம் செலுத்துவதற்கும் ஒன்றிணைந்து செயல்பட வேண்டும் என்று பரிந்துரைத்தார்.

பக்காத்தான் ஹராப்பான் (PH) தலைவர், அரசியல்வாதிகள் மக்களைத் துன்புறுத்தும் தங்களுக்குள் தொடர்ந்து சண்டையிடுவதையோ அல்லது ஒரு அணியாக ஒன்றிணைவதையோ தேர்வு செய்யலாம் என்றார்.

“நாம் தொடர்ந்து சண்டையிடுவதையும், மக்கள் பாதிக்கப்படுவதையும் தேர்வு செய்யலாம் அல்லது மலேசியாவிற்கு மிகவும் அமைதியான மற்றும் வளமான எதிர்காலத்தை உறுதிசெய்ய ஒரு குழுவாக இணைந்து செயல்படுவதைத் தேர்வுசெய்யலாம்,” என்று அவர் இன்று பிற்பகல் தம்பூன், தமன் ஜாதியில் நடந்த மக்கள் விருந்து நிகழ்வில் கூறினார்.

பிரதமர் தனது உரையில், ஜனநாயகம் மற்றும் ஒரு ஒற்றுமை அரசாங்கத்தைக் கொண்டு வருவதற்கான முடிவுக்காக ஆட்சியாளர்கள் சபைக்குத் தனது பாராட்டுக்களை தெரிவித்தார்.

இந்த முடிவு, நாட்டை ஆட்டிப்படைக்கும் அரசியல் சண்டைகளுக்கு முற்றுப்புள்ளி வைக்கும் என்று அன்வார் கூறினார்

“ஒற்றுமை அரசாங்கத்தை வைத்திருப்பதன் புத்திசாலித்தனம் என்ன? வலுவான அரசாங்கம் இருப்பதை உறுதி செய்ய வேண்டும்”.

“அலுப்பான அரசியல் சூழ்ச்சிகள் இனி இருக்காது”.

“(ஏனென்றால்) மக்கள் ஒரு சிறந்த வாழ்க்கையைப் பெற விரும்புகிறார்கள், ஆனால் அரசியல்வாதிகள் என்றென்றும் சண்டையிட்டுக் கொண்டிருந்தனர்,” என்று அவர் கூறினார்.

இதனால்தான் ஹராப்பான், தேசியமுன்னணி மற்றும் கபுங்கன் பார்ட்டி சரவாக் இணைந்து அரசாங்கத்தை அமைத்தனர் என்று அன்வார் மேலும் கூறினார்.

“ஏன்? ஏனென்றால், லஞ்சம் மற்றும் ஊழலை நிறுத்துவதையும், மக்கள்மீது அரசாங்கம் அக்கறை காட்டுவதையும் நாங்கள் உறுதிப்படுத்த விரும்புகிறோம், ”என்று அவர் கூறினார்.