பெரிகத்தான் நேஷனல் தலைமையிலான நிர்வாகத்தின் போது அரசாங்க நிதியை முறைகேடாகப் பயன்படுத்தியதாகக் கூறப்படும் முறைகேடுகளை வெளிப்படுத்த முஹைடின் யாசினை சவால் விட வேண்டாம் என்று பிரதமர் அன்வார் இப்ராகிம் எச்சரித்துள்ளார்.

அன்வார், பின்பற்றப்படாத செயல்முறைகள் மற்றும் நடைமுறைகள் உள்ளன என்பது தெளிவாக உள்ளதாகவும், மேலும் “குடும்பங்களை உள்ளடக்கிய” நிறுவனங்களும் இதில் ஈடுபட்டுள்ளன என்று செய்தியாளர்களின் சந்திப்பில் கூறினார்.

நேற்று, முஹைதினின் நிர்வாகத்தின் கீழ் உள்ள புத்ராஜெயாவின் செலவினங்களில் நிலையான நடைமுறை மீறல்கள் இருப்பதாக அதிகாரிகளால் தனக்குத் தெரிவித்ததாகவும், இது அதிகப்படியான கொள்முதல் மற்றும் செலவுகள் அதில் குறிப்பிடப்பட்டுள்ளதாக பிரதமர் தெரிவித்தார்.

“530 பில்லியன் ரிங்கிட்டில் பெரும் பகுதி ஊழியர் சேம நிதியிலிருந்து  வந்தது, இது மக்களின் சொந்தப் பணம், என்று அவர் தெரிவித்தார்.

“ஆனால் நடைமுறை மீறல்கள் கண்டறியப்பட்ட இடங்களில் பல்லாயிரக்கணக்கான பில்லியன்கள் ஒதுக்கப்பட்டுள்ளன” என்று அன்வார் கூறினார்.

பெரிகத்தான் நேஷனல் தலைமையிலான அரசாங்கம் செலவழித்த 530 பில்லியன் ரிங்கிட்டில் ஏதேனும் முறைகேடு நடந்ததா என்று முன்னாள் நிதியமைச்சர் தெங்கு ஜஃப்ருல் அஜீஸிடம் கேட்குமாறு நேற்று இரவு முஹைடின் அன்வாரிடம் கூறினார்.

தான் எந்த தவறும் செய்யவில்லை என்று வலியுறுத்திய முஹைடின், இந்த விவகாரம் தொடர்பாக நீதிமன்றத்திற்கு கொண்டு செல்ல தயாராக இருப்பதாக கூறினார்.

பெரிகத்தான் நேஷனல் தேர்தல் பிரச்சாரத்தில் சுத்தமாக இருப்பதாகக் கூறியதுபோல் நடைமுறையில் இல்லை என்று அன்வார் கூறினார்.

இதற்கிடையில், பெரிகத்தான் நேஷனலின் தேர்தல் பிரச்சாரத்திற்கு கேமிங் நிறுவனங்கள் நிதியுதவி செய்ததாகக் கூறி சட்ட நடவடிக்கை எடுக்கப்படும் என்று அன்வாரை மிரட்டிய பாஸ் பொதுச்செயலாளர் தகியுடின் ஹாசனிடம் அவசரம் வேண்டாம் என்றும், இப்போது நிதியமைச்சர் என்ற முறையில் தன்னிடம் தொடர்புடைய “பதிவுகள்” இருப்பதாக தகியுதீனுக்கு அன்வார் நினைவூட்டினார்.

முன்னதாக, கேமிங் நிறுவனங்கள், குறிப்பாக “சிறப்பு இருப்புகளில்” பங்கேற்ற நிறுவனங்கள், பெரிகத்தான் நேஷனலின் தேர்தல் பிரச்சாரத்திற்கு நிதியளித்தன என்ற அவரது “கடுமையான  குற்றச்சாட்டை” ஆதரிப்பதற்கான ஆதாரங்களை அளிக்குமாறு தகியுடின் அன்வாரை   வலியுறுத்தினார்.

-FMT