2006 இல் கொல்லப்பட்ட மங்கோலிய மாடல் அழகி அல்தான்துயா ஷாரிபுவின் குடும்பத்திற்கு 5 மில்லியன் ரிங்கிட் வழங்குமாறு ஷா ஆலம் உயர் நீதிமன்றம் அரசாங்கத்திற்கு உத்தரவிட்டது.

2007 ஆம் ஆண்டில் குற்றவியல்  நடவடிக்கை தாக்கல் செய்யப்பட்டு 15 ஆண்டுகளுக்குப் பிறகு இன்று காலை நீதிமன்ற நீதிபதி வசீர் ஆலம் மைதின் மீரா(Vazeer Alam Mydin Meera) குடும்பத்திற்கு ஆதரவாகத் தீர்ப்பளித்தார்.

மூன்று வாதிகள் – இறந்தவரின் தந்தை மற்றும் தாயார் ஷரிபுவ் செடெவ் மற்றும் அல்டான்ட்செக் சஞ்சா மற்றும் அல்தான்துயாவின் சகோதரர் முங்குன்ஷாகை பயார்ஜார்கல் – ரிம100 மில்லியன் வழக்குத் தாக்கல் செய்தனர்.

இந்த வழக்குச் சிறப்பு நடவடிக்கைப் பிரிவின் (UTK) இரண்டு முன்னாள் உறுப்பினர்களான அசிலா ஹத்ரி மற்றும் சிருல் அசார் உமர் மற்றும் அரசியல் ஆய்வாளர் அப்துல் ரசாக் பாகிண்டா மற்றும் மலேசிய அரசாங்கத்தைக் குறிவைத்தது.

அக்டோபர் 2006 இல் அல்தான்துயா கொலை செய்யப்பட்டார் மற்றும் அவரது உடல்  இராணுவ தரத்திலான வெடிபொருட்களால் தகர்க்கப்பட்டன. ஒரு தனி குற்றவியல் நீதிமன்றம் அசிலா மற்றும் சிருல் ஆகியோரைக் குற்றவாளிகளாக அறிவித்து, ஏப்ரல் 2009 இல் அவர்களுக்கு மரண தண்டனை விதித்தது.

இருப்பினும், குற்றவியல் நீதிமன்றம் 2008 அக்டோபரில் ரசாக்கை வாதிடாமல் கொலைக்குத் தூண்டியதாகக் கூறி அவரை விடுவித்தது.

இன்று இயங்கலையில் நடத்தப்பட்ட நடவடிக்கைகளின்போது, ​​நான்கு பிரதிவாதிகள் RM5 மில்லியன் இழப்பீட்டில் ஐந்து சதவீத வருடாந்திர வட்டியையும், அதே போல் ஒவ்வொரு பிரதிவாதியும் குடும்பத்திற்கு RM25,000 செலவையும் செலுத்த வசீர் உத்தரவிட்டார்.

வசீர் – முன்பு மேல்முறையீட்டு நீதிமன்றத்திற்கு உயர்த்தப்பட்டவர், ஆனால் இன்று உயர் நீதிமன்ற வழக்குக்குத் தலைமை தாங்குகிறார் – நிகழ்தகவுகளின் சமநிலையில் நான்கு பிரதிவாதிகளுக்கு எதிராக அல்தான்துயா குடும்பம் தங்கள் சிவில் வழக்கை நிரூபிப்பதில் வெற்றி பெற்றதாகத் தீர்ப்பளித்தார்.

குடும்பத்தின் பல சாட்சிகளின் சாட்சியங்களின் அடிப்படையில், இரண்டு முன்னாள் காவல்துறை அதிகாரிகளும்  சட்டவிரோத கொலைச் செயலில் இறந்தவர் “இரக்கமற்ற முறையில் கொன்றது” நிரூபிக்கப்பட்டுள்ளது என்று நீதிபதி கூறினார்.

கோலாலம்பூர் மருத்துவமனையின் தடயவியல் தலைவர் டாக்டர் முகமது ஷா மஹ்மூத்தின் சாட்சியம், அல்தான்துயாவை சுட்டுக் கொன்று, அவரது  உடல் கட்டியிருந்த வெடிமருந்துகளால் வெடித்து சிதறியது என்று வசீர் கூறினார்.

அக்டோபர் 2006 இன் பிற்பகுதியில் நடந்த கொலையில் அசிலா மற்றும் சிருலின் தொடர்புக்கு ரசாக்கும் பொறுப்பு என்று வசீர் கூறினார்.

இந்த வழக்கின் சிவில் நீதிமன்ற விசாரணையின்போது அல்தான்துயாவும் அவரது உறவினரான நமீரா கெரெல்மாவும்(Namiraa Gerelmaa) ரசாக்கை சந்திப்பதற்காக அக்டோபர் 2006 இல் மலேசியாவுக்கு வந்தனர் என்பதைக் காட்டுகிறது என்று வசீர் கூறினார்.

ரசாக் இருவரிடமும் உதவி கோரினார்

நமீராவின் சாட்சியம் அல்தான்துயா பிரான்சின் பாரிஸில் ரசாக்கிற்காகச் செய்த மொழிபெயர்ப்புப் பணிகளுக்காக அவரிடமிருந்து பணம் வசூலிக்க விரும்பியதை சுட்டிக்காட்டுகிறது என்று நீதிபதி கூறினார்.

இருப்பினும், ரசாக்கிற்காக அல்தான்துயா செய்த மொழிபெயர்ப்புப் பணியை நீதிமன்றம் மேலும் விவரிக்கவில்லை.

ரசாக்கை தொந்தரவு செய்யும் அல்தான்துயா பிரச்சினையைக் கையாள அசிலாவின் உதவியைப் பயன்படுத்தியதாக ரசாக் தனது பாதுகாப்பு அறிக்கையில் ஒப்புக் கொண்டதாக வசீர் கூறினார்.

(இடமிருந்து) அஜிலா ஹத்ரி, அப்துல் ரசாக் பகிந்தா மற்றும் சிருல் அசார் உமர்

“முதல் மற்றும் இரண்டாவது பிரதிவாதிகளுக்கு (அசிலா மற்றும் சிருல்) இறந்தவரை 19 அக்டோபர் 2006 க்கு முன்பு தெரியாது (இரண்டு முன்னாள் காவலர்களும் அல்தான்துயாவை ரசாக்கின் வீட்டிற்கு வெளியே சந்தித்து அவரை அழைத்துச் சென்றனர்)”.

“முதல் மற்றும் இரண்டாவது பிரதிவாதிகளுக்கு உயர்தர வெடிபொருட்களால் அவரை வெடிக்கச் செய்வதற்கான தெளிவான நோக்கம் உள்ளது.

“முதல் மற்றும் இரண்டாவது பிரதிவாதிகளுக்கும் இறந்தவருக்கும் இடையிலான ஒரே இணைப்பு மூன்றாவது பிரதிவாதி (ரசாக்) மட்டுமே,” என்று வசீர் கூறினார்.

நான்காவது பிரதிவாதியான அரசாங்கம் காவல்துறையின் வளங்களைப் பயன்படுத்திய அசிலா மற்றும் சிருலின் சட்டவிரோத நடவடிக்கைகளுக்குப் பொறுப்பு என்றும் நீதிபதி கூறினார்.

தீர்ப்புத் தொகையை வழங்கும்போது, 5 மில்லியன் ரிங்கிட் இந்த வழக்குக்குப் பொருத்தமான தொகை என்று வசீர் தீர்ப்பளித்தார், ஏனெனில் குடும்பம் கோரிய ஆரம்பத் தொகை ரிம 100 மில்லியன் “அதிகப்படியானது, அதை நியாயப்படுத்த முடியாது”.

வழக்கறிஞர் சங்கீத் கவுர் தியோ(Sangeet Kaur Deo) குடும்பத்தைப் பிரதிநிதித்துவப்படுத்தினார், அஜிலா மற்றும் சிருல் ஆகியோர் பிரதிநிதித்துவப்படுத்தப்படவில்லை.

ரசாக் சார்பில் வழக்கறிஞர் மஞ்சீத் சிங் தில்லான்   (Manjeet Singh Dhillon), அரசு சார்பில் மூத்த பெடரல் வழக்கறிஞர் ஜெட்டி சுரினா கமருதீன்(Zetty Zurina Kamaruddin) ஆகியோர் ஆஜராகினர்.

அசிலா தற்போது மலேசிய சிறையில் மரண தண்டனை விதிக்கப்பட்டுள்ளார்.

இருப்பினும், 2015 ஆம் ஆண்டில் மலேசிய உச்ச நீதிமன்றம் இருவருக்கும் விதிக்கப்பட்ட தண்டனையையும் மரண தண்டனையையும் உறுதிப்படுத்துவதற்கு முன்பு, சிருல் ஆஸ்திரேலியாவுக்கு தப்பிச் சென்றார்.

இருவரின் குற்றவாளி தீர்ப்பை ரத்து செய்த முந்தைய மேல்முறையீட்டு நீதிமன்றத்தின் தீர்ப்பை மத்திய நீதிமன்றம் ரத்து செய்தது. மேன்முறையீட்டு நீதிமன்றத் தீர்ப்புக்குப் பிறகு சிருல் ஆஸ்திரேலியாவுக்கு பறந்தார், அதே நேரத்தில் அரசுத் தரப்பு உச்ச நீதிமன்றத்தில் மேல்முறையீடு செய்தது.

சிருல் தற்போது ஆஸ்திரேலிய அதிகாரிகளின் காவலில் உள்ளார், அவர்கள் பிறந்த நாட்டில் மரண தண்டனையை எதிர்கொள்ளும் எவரையும் நாடு கடத்துவதில்லை என்ற கொள்கையைக் கொண்டுள்ளனர்.