புத்ராஜெயா 2023 ஆம் ஆண்டிற்கான வரவு செலவுத் திட்டத்தை அடுத்த ஆண்டு பிப்ரவரி 24 அன்று மத்திய அரசு தாக்கல் செய்ய உள்ளது.

இதற்கு முன்னதாகப் பிப்ரவரி 13 அன்று 15 வது நாடாளுமன்றத்தின் பிரதிநிதிகள் சபையின் முதல் கூட்டத்துடன் இணைந்து அரச உரை இருக்கும்.

பிரதமரும் நிதியமைச்சருமான அன்வார் இப்ராகிம் பட்ஜெட் 2023ஐ தாக்கல் செய்வதற்கு முன் ஏழு நாட்களுக்கு நன்றி தெரிவிக்கும் தீர்மானத்தின் மீது நாடாளுமன்ற உறுப்பினர்கள் விவாதம் நடத்துவார்கள்.

2023 பட்ஜெட் விவாதம் 18 நாட்கள் நடைபெறும். கடைசி இரண்டு நாட்கள் – மார்ச் 29 மற்றும் மார்ச் 30 – மற்ற அரசாங்க மசோதாக்களுக்கு திட்டமிடப்பட்டுள்ளது.

இந்த ஆண்டின் தொடக்கத்தில், இஸ்மாயில் சப்ரி யாகோப் நிர்வாகம் பட்ஜெட் 2023 மீதான விவாதங்களுக்கு 28 நாட்கள் திட்டமிட்டிருந்தது. எனினும், விவாதங்கள் நடைபெறுவதற்கு முன்னர் நாடாளுமன்றம் கலைக்கப்பட்டது.

அன்வார் அரசாங்கத்தைப் பொறுப்பேற்ற பிறகு, ஜனவரி 1, 2023 அன்று வழங்கப்படும் பொது சேவை ஊதியங்களுக்கான நாடாளுமன்ற ஒப்புதலை உறுதி செய்வதற்காக டிசம்பர் 19 அன்று நாடாளுமன்றம் “மினி பட்ஜெட்”க்கு ஒப்புதல் அளித்தது.

நாடாளுமன்றம் மீண்டும் ஜூன் 12 ஆம் தேதி தொடங்கி இந்த அமர்வு ஜூன் 27 வரை நீடிக்கும்.

மூன்றாவதும் இறுதியுமான கூட்டம் அக்டோபர் 9ஆம் தேதி தொடங்கி நவம்பர் 30ஆம் தேதி முடிவடையும்.

2024ஆம் ஆண்டுக்கான பட்ஜெட் தாக்கல் அடுத்த ஆண்டு நவம்பர் 19ஆம் தேதி நடைபெற உள்ளது.

மொத்தத்தில், நாடாளுமன்றம் 71 நாட்களுக்குச் சந்திக்க திட்டமிடப்பட்டுள்ளது, இது 2019 தொற்றுநோய்க்கு முந்தைய 68 நாட்களைவிட சற்று அதிகமாகும்.