2023 ஆம் ஆண்டில் வரவிருக்கும் மாதங்களில் உலகளாவிய பொருளாதார நிலையற்ற தன்மையின் விளைவுகள் காரணமாக மலேசிய பொருளாதாரம் மிதமாகத் தொடங்கும் என்று எதிர்பார்க்கப்படுகிறது என்று புள்ளிவிவரத் துறை (Department of Statistics) இன்று தெரிவித்துள்ளது.

நிதியமைச்சகத்தின் பொருளாதாரக் கண்ணோட்டம் 2023ஐ மேற்கோள்காட்டி, சர்வதேச நாணய நிதியத்தின் (IMF) உலகளாவிய முன்னறிவிப்புக்கு ஏற்ப, மலேசியப் பொருளாதாரம் 2023ல் 4% முதல் 5% வரை மிதமாக இருக்கும் என்று கணிக்கப்பட்டுள்ளது என்று தலைமைப் புள்ளியியல் நிபுணர் முகமட் உசிர் மஹிடின்(Mohd Uzir Mahidin) கூறினார்.

அக்டோபர் 2022 க்கான அதன் உலக பொருளாதார கண்ணோட்ட  அறிக்கையில், சர்வதேச நாணய நிதியம் உலகப் பொருளாதாரம் 2023 ஆம் ஆண்டில் 2.7% மிதமான விகிதத்தில் விரிவடையும் என்று கணித்துள்ளது.

இதற்கிடையில், ஆசிய பிராந்தியத்திற்கான வளர்ச்சி கணிப்பு 2022 ஆம் ஆண்டில் 4.3% இருந்து 4.2 % ஆகவும், 2023 ஆம் ஆண்டில் 4.9% இருந்து 4.6% ஆகவும் திருத்தப்பட்டுள்ளது என்று உசிர் கூறினார்.

“சீனாவின் தொடர்சியான முடக்கம், உக்ரைன் மீதான ரஷ்ய படையெடுப்பு மற்றும் உலகளாவிய வளர்ச்சி குறைதல் ஆகியவை இதற்குக் காரணம்,” என்று அவர் இன்று ஒரு அறிக்கையில் தெரிவித்துள்ளார்.

உள்நாட்டு முன்னணியில், மலேசியாவின் முன்னணி குறியீடு (Leading Index) கடந்த ஆண்டு அக்டோபரில் 109.2 புள்ளிகளுடன் ஒப்பிடும்போது 2022 அக்டோபரில் 0.4% அதிகரித்து 109.6 புள்ளிகளாக இருந்தது, இருப்பினும், அக்டோபர் 2022 இல் சுமூகமான நீண்ட கால போக்கைப் பார்க்கும்போது, LI 100 புள்ளி போக்குக்குக் கீழே செல்லத் தொடங்கியது.

சமீபத்திய மேக்ரோப் பொருளாதார(macroeconomic) செயல்திறன் குறித்து உசிர் கூறுகையில், கடந்த ஆண்டு அக்டோபருடன் ஒப்பிடும்போது பல முக்கிய குறிகாட்டிகள் தொடர்ந்து மேல்நோக்கிய போக்குகளைப் பதிவு செய்தன, மலேசியாவின் மொத்த வர்த்தக செயல்திறன் 21.1% இரட்டை இலக்க வளர்ச்சியைப் பதிவு செய்தது, இது 2021 அக்டோபரில் 202.4 பில்லியன் ரிங்கிட்டிலிருந்து 245.2 பில்லியன் ரிங்கிட் ஆக இருந்தது.

பணவீக்கத்தைப் பொறுத்தவரை, அக்டோபர் 2022 இல் மலேசியாவின் பணவீக்கம் ஆண்டுக்கு ஆண்டு 4% அதிகரித்துள்ளது, இது செப்டம்பர் 2022 இல் பதிவு செய்யப்பட்ட விகிதத்தைவிட 4.5% குறைவாகும், உணவுக் குழு 7.1% அதிகரிப்பைப் பதிவு செய்வதன் மூலம் முக்கிய பங்களிப்பாளராக உள்ளது.