பெர்சாத்து துணைத் தலைவர் அஹ்மத் பைசல் அசுமு, கைது செய்யப்பட்ட பெர்சாத்து பிரிவுத் தலைவரை எம்ஏசிசி முழுமையாக விசாரிக்க வேண்டும் என்றார்.

RM92.5 பில்லியன் கோவிட்-19 ஊக்கத் தொகுப்பு நிதியை முறைகேடாகப் பயன்படுத்தியதாகக் கூறப்படும் 42 வயது நபர் கைது செய்யப்பட்டதை MACC தலைமை ஆணையர் அசாம் பாக்கி உறுதிப்படுத்தினார்.

தி ஸ்டாரின் அறிக்கையின்படி, பைசல் (மேலே) இந்த வழக்கில்  கட்சிக்கும் கட்சித் தலைவருக்கும் தொடர்புள்ளது விசித்திரமாக உள்ளதாக  கூறினார்.

“ஆம், வழக்கை விசாரிக்கவும், ஆனால் இது முந்தைய நிர்வாகத்தை ஆட்டி வைக்கும் அரசியல் தந்திரமாக இருக்கக்கூடாது.

“நான் உட்பட தலைவருக்கு நெருக்கமான கட்சி உறுப்பினர்கள் பலர் உள்ளனர்.

“கட்சியின் தலைவர் எந்த தவறும் செய்யவில்லை என்று நான் நம்புகிறேன், இருப்பினும் எம்ஏசிசி இந்த வழக்கை விசாரிக்கட்டும்,” என்று அவர் தொடர்பு கொண்டபோது கூறினார்.

ஜன.10 வரை காவலில் வைக்கப்பட்டார்

கோவிட்-19 மலேசியாவை தாக்கியபோது பெரிக்காத்தான்ம் நேஷனல் அரசாங்கத்தின் கீழ் அதிக அவசர நிதி பயன்படுத்தப்பட்டது.

தடுத்து வைக்கப்பட்டுள்ள நபருக்கு பெர்சத்துவின் தலைமைத்துவத்துடன் தொடர்பு இருக்கிறது.

பைசல் தனக்கும் கூட நிதி ஒதிக்கீடு கொடுத்திருக்கலாம் என்றார்.

“ஆனால் அது நடக்கவில்லை. எனக்கு எந்த திட்டமும் கிடைக்கவில்லை, ”என்று அவர் மேலும் கூறினார்.

2020 மற்றும் 2022 க்கு இடையில் பொருளாதார ஊக்குவிப்பு தொகுப்பின் கீழ் அரசாங்க திட்டங்களை விநியோகித்ததில் தரகர் நபர் என்ற சந்தேகத்தின் கீழ் ஒரு தனியார் நிறுவனத்தின் தலைமை நிர்வாக அதிகாரி வெள்ளிக்கிழமை கைது செய்யப்பட்டார்.

சம்பந்தப்பட்ட திட்டங்களில் இடைத்தரகராக பணியாற்ற லஞ்சம் பெற்றதாக நம்பப்படும் நபர், MACC தலைமையகத்தில் அவரது வாக்குமூலத்தைப் பதிவு செய்த பின்னர் கைது செய்யப்பட்டதாக MACC  தெரிவித்துள்ளது.

இந்த வழக்கு எம்ஏசிசி சட்டம் 2009 பிரிவு 16 (ஏ) இன் கீழ் விசாரிக்கப்படுகிறது.

புத்ராஜெயா மாஜிஸ்திரேட் நீதிமன்றம் அந்த நபரை ஜனவரி 6 முதல் ஜனவரி 10 வரை காவலில் வைக்க அனுமதித்தது.

கடந்த மாதம், MACC ஒரு அறிக்கையை வெளியிட்டது, அதில் பொருளாதார ஊக்குவிப்பு மற்றும் மீட்பு முயற்சியின் கீழ் RM92.5 பில்லியன் அரசாங்க நிதி மீது விசாரணை செய்வதாக அறிவித்தது.

ஆரம்ப விசாரணையில் ஒதுக்கப்பட்ட தொகை RM530 பில்லியன் என மதிப்பிடப்பட்டுள்ளது என்றும், அந்தத் தொகையின் அடிப்படையில், RM92.5 பில்லியன் மட்டுமே அரசாங்க நிதியை உள்ளடக்கியதாகவும், மீதமுள்ளவை இல்லை என்றும் அது தெரிவித்தது.