பிரதமர் அன்வார் இப்ராஹிம் பதவியேற்றபின்னர் முதல் முறையாக இந்தோனேசியாவின் ஜகார்த்தாவுக்கு வருகை தந்துள்ளார்.

அன்வார் மற்றும் அவரது மனைவி டாக்டர் வான் அசிசா வான் இஸ்மாயில் சிறப்பு விமானம்மூலம் உள்ளூர் நேரப்படி பிற்பகல் 1.57 மணிக்குச் சோகர்னோ ஹட்டா சர்வதேச விமான நிலையத்தை வந்தடைந்தார், பின்னர் அவர்களை வெளியுறவு அமைச்சர் ஜாம்ப்ரி அப்துல் காதிர் வரவேற்றார்.

மலேசியாவுக்கான இந்தோனேசிய தூதர் ஹெர்மோனோவும்(Hermono) உடனிருந்தார்.

கிராண்ட் ஹயாட் ஹோட்டல் ஜகார்த்தா வந்திறங்கியதும், அன்வாரை வரவேற்க சர்வதேச வர்த்தக மற்றும் தொழில்துறை அமைச்சர் தெங்கு ஜாஃப்ருல் அப்துல் அஜீஸ்(Tengku Zafrul Abdul Aziz) மற்றும் வெளியுறவு அமைச்சகம் மற்றும் சர்வதேச வர்த்தக மற்றும் தொழில்துறை அமைச்சக அதிகாரிகள் கலந்து கொண்டனர்.

இரண்டு நாள் பயணத்தின்போது, மலேசிய சர்வதேச வர்த்தக மற்றும் தொழில்துறை அமைச்சகத்தால் ஏற்பாடு செய்யப்பட்ட மலேசிய GLCsக்கள், தனியார் நிறுவனங்கள் மற்றும் அவற்றின் இந்தோனேசிய சகாக்களிடையே ஒப்பந்தங்கள் அடங்கிய தொடர் கையொப்பங்களை அன்வார் காண உள்ளார்.

இன்று மாலை ஜகார்த்தாவில் உள்ள கிராண்ட் ஹயாட் ஹோட்டலில் கையெழுத்திடும் விழா நடைபெறவுள்ளது, அதைத் தொடர்ந்து ஜகார்த்தாவில் உள்ள மலேசிய தூதரகத்தால் மலேசிய புலம்பெயர்ந்த மக்களுக்கு இரவு விருந்தும் நடைபெறும்.

பட்டியலில் உள்ள முக்கிய மலேசிய நிறுவனங்களில் FGV Holdings Bhd மற்றும் Airod Bhd ஆகியவை அடங்கும்.

குறுகிய கால மற்றும் நீண்ட கால அர்ப்பணிப்புகளுக்காகப் பெருந்தோட்டம் மற்றும் உள்கட்டமைப்பு மேம்பாடு உள்ளிட்ட பல்வேறு முக்கிய துறைகளில் முக்கிய பங்குதாரர்களை இந்தக் கூட்டாண்மை ஈடுபடுத்துகிறது.

மேலும், சரவாக் எல்லையில் உள்ள கலிமந்தனில் உள்ள இந்தோனேசியாவின் புதிய தலைநகரான நுசாந்தராவின் வளர்ச்சியில் பங்கேற்பதற்காக மொத்தம் 12 மலேசிய நிறுவனங்கள் விருப்பக் கடிதங்களைச் சமர்ப்பிக்கும்.

அன்வாரும் மலேசிய தூதுக்குழுவும் நாளை இந்தோனேசிய ஜனாதிபதி ஜோகோ விடோடோவை போகரில் உள்ள ஜனாதிபதி மாளிகையில் சந்திக்க உள்ளனர், அங்கு இரு தலைவர்களும் கூட்டு உரையை நிகழ்த்துவார்கள் என்று எதிர்பார்க்கப்படுகிறது.