நஜிப் அப்துல் ரசாக்கின் மேல்முறையீட்டை நிராகரித்ததில் நீதித்துறை தனது கடமையைச் செய்துள்ளது என்று தலைமை நீதிபதி தெங்கு மைமுன் துவான் மாட்(Tengku Maimun Tuan Mat) கூறினார்.

தன்னிச்சையான தடுப்புக்காவல் தொடர்பாக ஐ.நா மனித உரிமைகள் பேரவையின் பணிக்குழுவிடம் நஜிப் தாக்கல் செய்த மனுவால் நீதித்துறை பாதிக்கப்படவில்லை என்று அவர் கூறினார்.

“நாங்கள் எங்கள் கடமை மற்றும் பொறுப்பை நிறைவேற்றியதால் அவர் விரும்பியதை அவர் செய்யலாம்”.

“அவர் எந்தப் பாதையை ஆராய விரும்புகிறாரோ, அது எங்கள் பொறுப்பு அல்ல. அவர் என்ன செய்ய விரும்புகிறார் என்பது அவரைப் பொறுத்தது,” என்று புத்ராஜெயா சர்வதேச மாநாட்டு மையத்தில் (PICC) 2023 சட்ட ஆண்டு தொடக்க விழாவையொட்டி நடந்த செய்தியாளர் கூட்டத்தில் தெங்கு மைமுன் கூறினார்.

கடந்த ஆண்டு ஆகஸ்டில் RM42 மில்லியன் SRC இன்டர்நேஷனல் ஊழல் வழக்கில் 12 ஆண்டு சிறைத்தண்டனை மற்றும் RM210 மில்லியன் அபராதம் மற்றும் நஜிப்பின் மேல்முறையீட்டை நிராகரித்த ஐந்து பேர் கொண்ட பெடரல் நீதிமன்ற குழுவில் தெங்கு மைமுன் இருந்தார்.

ஜனவரி 5 அன்று நஜிப் மனுத் தாக்கல் செய்தது தொடர்பான செய்தியாளர்கள் கேள்விக்கு அவர் இவ்வாறு பதிலளித்தார்.

நீதித்துறை முடிவை மறுபரிசீலனை செய்ய நஜிப்பின் விண்ணப்பம் ஜனவரி 19 அன்று புத்ராஜெயாவில் உள்ள பெடரல் நீதிமன்றத்தின் புதிய குழு முன் விசாரணைக்கு வருகிறது.

நஜிப்பின் அரச மன்னிப்பு மனு நிலுவையில் உள்ளது.

நஜிப் தனது மேல்முறையீட்டை நிராகரித்த மலேசிய உயர் நீதிமன்றத்தின் தீர்ப்பு “நியாயமற்றது, குறைபாடுடையது மற்றும் மனித உரிமைகள் மற்றும் கூட்டாட்சி அரசியலமைப்புச் சட்டத்திற்கு எதிரானது,” என்று தீர்ப்பளிக்க ஐந்து சர்வதேச நீதித்துறை நிபுணர்கள் கொண்ட ஐ.நாக்குழுவை நாடுவதாக வழக்கறிஞர் கூறினார்.

மேல்முறையீட்டு விசாரணையை ஒத்திவைக்க அனுமதிப்பதன் மூலம் மேல்முறையீட்டுக்கு தயாராக நஜிப்பின் வழக்கறிஞர்களுக்குப் பெடரல் நீதிமன்றம் போதிய அவகாசம் அளிக்கவில்லை என்று ஷஃபீ கூறினார்.