முன்னாள் பெர்மாத்தாங் பாவ் நாடாளுமன்ற உறுப்பினர் நூருல் இஸ்ஸா அன்வார்(Nurul Izzah Anwar) சமீபத்தில் தனது மூன்றாவது குழந்தைக்குக் கருச்சிதைவு ஏற்பட்டதாகச் சமூக ஊடகங்களில் பகிர்ந்து கொண்டார்.

நேற்றிரவு ஒரு முகநூல் பதிவில், நூருல் இஸ்ஸா (மேலே) பினாங்குக்கும் புத்ராஜெயாவிற்கும் இடையே பயணம் செய்வது உட்பட தனது கடமைகளை நிறைவேற்றும்போது தனது கருவில் இருக்கும் குழந்தையை இழந்ததாகக் கூறினார்.

நூருல் இஸ்ஸா கடந்த ஆண்டு நவம்பர் 19 அன்று 15 வது பொதுத் தேர்தலுக்குப் பிறகு (GE15) தனது பெற்றோரைக் கட்டியணைப்பது இதுவே முதல் முறை என்று கூறினார்.

“இதே போன்ற அனுபவங்களை அனுபவித்த பெண்கள் அனைவரையும் நான் நினைத்துப் பார்க்கிறேன், ஒவ்வொருவரும் தங்கள் சொந்த அனுபவங்களைக் கொண்டுள்ளனர்,” என்று நூருல் இஸ்ஸா மேலும் கூறினார்.

இதே போன்ற துன்பத்தை அனுபவித்தவர்களுக்கு அவர் ஆதரவை வழங்கினார்.

‘குணப்படுத்துதல் ஒரு பயணம்’

” மகிழ்ச்சியின் மகிமை – அது ஒவ்வொரு மூலையிலும் ஒளிந்துள்ளது – அது சஃபியா, ஹரித் மற்றும் யூ சோவின் புன்னகையாக இருந்தாலும் – அல்லது என் அப்பா மற்றும் அம்மாவின்  அன்பான அரவணைப்பில், ஒவ்வொரு கணமும் முக்கியமானது”.

குணப்படுத்துவது என்பது ஒரு பயணம் – இந்த நேரத்தில் நீங்கள் சுவாசிக்க சிறிது நேரம் எடுக்க வேண்டும் என்றால் – அதைச் செய்யுங்கள். வாழ்க்கையின் அடுத்த அத்தியாயம் புதிதாகத் தொடங்கும் முன், இன்ஷாஅல்லாஹ்,” என்று எழுதினார்.

நூருல் இசா கடந்த ஆண்டு ஆகஸ்ட் மாதம் கசானா ஆராய்ச்சி நிறுவனத்தின் மூத்த ஆராய்ச்சிய்யாளர் யின் ஷாவோ லூங்கை(Yin Shao Loong) மணந்தார். முந்தைய திருமணத்திலிருந்து அவருக்கு இரண்டு குழந்தைகள் உள்ளனர், அதே நேரத்தில் யினுக்கு முந்தைய திருமணத்திலிருந்து ஒரு குழந்தை உள்ளது.

துணை நிதி அமைச்சர் ஸ்டீவன் சிம், இளைஞர் மற்றும் விளையாட்டு அமைச்சர் ஹன்னா இயோ மற்றும் பயான் பாரு நாடாளுமன்ற உறுப்பினர் சிம் சே சின் உட்பட பல தலைவர்கள் தங்கள் இரங்கலைத் தெரிவித்துள்ளனர்.