இந்த ஆண்டு நடைபெறும் தைப்பூசக் கொண்டாட்டத்திற்காக சுமார் 20 இலட்சம் பக்தர்கள் மற்றும் பார்வையாளர்கள் பத்துமலைக்கு  வருவார்கள் என்று எதிர்பார்க்கப்படுகிறது.

ரத ஊர்வலம் இன்று வெள்ளிக்கிழமை இரவு 10 மணிக்கு ஜாலான் துன் எச்எஸ் லீயில் உள்ள கோவிலில் இருந்து புறப்பட்டு சனிக்கிழமை காலை 3 மணிக்கு பத்துமலையை வந்தடையும் என்று கோம்பாக் காவல் துறை அதிகாரி ஜைனால் முகமாட் கூறினார்.

பத்துமலை கோயிலைச் சுற்றியுள்ள ஏழு சாலைகள் இன்று (பிப்ரவரி 3) நள்ளிரவு முதல் பிப்ரவரி 8 வரை மூடப்படும்.

“அந்த ஏழு சாலைகள் கம்பங் மேலயு பத்துமலை போக்குவரத்து விளக்கு சந்திப்பு, மத்திய ரிங் ரோடு 2, பத்துமலை கோயிலுக்கு திரும்பும் மற்றும் ஷெல் பத்து கேவ்ஸ் பெட்ரோல் நிலையத்திற்கு முன்னால் உள்ள போக்குவரத்து விளக்கு சந்திப்பு ஆகியவை ஆகும், ”என்று அவர் இன்று ஒரு செய்தியாளர் கூட்டத்தில் கூறினார்.

“பிற சாலைகள் ஜாலான் எஸ்பிசி 8/ஜலான் லாமா பத்துமலைசந்திப்பு, ஸ்ரீ கோம்பாக்கிலிருந்து ஜாலான் பெருசாஹான் பத்துமலைக்குச் செல்லும் மத்திய ரிங் ரோடு 2 திருப்பம் மற்றும் பத்து குகைக் கோயிலை நோக்கி ஜாலான் பெருசாஹான்.

காவல் துறையால் முன்மொழியப்பட்ட மாற்று வழிகள் கோம்பாக் ஐபிடி ஃபேஸ்புக் பக்கத்தின் மூலம் புதுப்பிக்கப்படும் என்று ஜைனல் மொஹமட் கூறினார்.

போக்குவரத்து நெரிசலைத் தவிர்க்க, மாற்றுச் சாலைகள் மற்றும் பொதுப் போக்குவரத்தைப் பயன்படுத்துமாறு சாலைப் பயனாளர்கள் அறிவுறுத்தப்படுகிறார்கள்,” என்றார்.

இதற்கிடையில், செந்துல் மாவட்ட காவல்துறைத் தலைவர் ஏசிபி பெஹ் எங் லாய் இன்று வெளியிட்டுள்ள அறிக்கையில், ரத யாத்திரைக்காக சனிக்கிழமை அதிகாலை 4 மணி முதல் 10 மணி வரை பல சாலைகளில் போக்குவரத்து மாற்றப்படும் என்று தெரிவித்தார்.

போக்குவரத்து நெரிசலில் சிக்காமல் இருக்க, சாலைப் பயனாளிகள் தங்கள் பயணத்தைத் திட்டமிடவும், மாற்று வழிகளைத் தேர்ந்தெடுக்கவும்  அறிவுறுத்தப்பட்டனர்.

ஈப்போவில், கொண்டாட்டத்துடன் இணைந்து நாளை மாலை 6 மணி முதல் பிப்ரவரி 7 ஆம் தேதி வரை இங்கு பல பகுதிகளில் போக்குவரத்து மாற்றம் மற்றும் சாலை மூடல்கள் இருக்கும் என்று போலீசார் தெரிவித்தனர்.

ஞாயிறு அன்று காலை 6 மணி முதல் நள்ளிரவு வரை ஜாலான் ராஜா மூசா அஜீஸ், ஜாலான் சுங்கை பாரி, பன்டோங்கில் உள்ள ஸ்ரீ சுப்பிரமணியர் கோவிலில் இருந்து குனுங் செரோவில் உள்ள ஸ்ரீ சுப்ரமணியர் கோவிலுக்கு காவடி தாங்குபவர்கள் செல்லும் காலகட்டம் இதில் அடங்கும் என்று ஈப்போ மாவட்ட போலீஸ் தலைவர் ஏசிபி யஹாயா ஹாசன் தெரிவித்தார். .

நாளை மாலை 6 மணி முதல் சனிக்கிழமை அதிகாலை 12.30 மணி வரை ஸ்ரீ மகா மாரியம்மன் கோவிலில் இருந்து ஸ்ரீ சுப்பிரமணியர் கோவிலுக்கு தேர் ஊர்வலத்தின் போது முதல் கட்டமாக சாலை மூடல் மற்றும் போக்குவரத்து மாற்றம் செய்யப்படும்.

ஜனவரி 6 ஆம் தேதி மாலை 4.30 மணி முதல் செவ்வாய் கிழமை காலை 10.30 மணி வரை ஸ்ரீ மகா மாரியம்மன் கோவிலுக்கு தேர் திரும்பும் போது இறுதிக் கட்டமாக இருக்கும்,” என்றார்.

ஜலான் சுங்கை பாரி, ஜாலான் துன் பேராக், ஜாலான் லாஹத், ஜாலான் சுல்தான் யூசாஃப், ஜாலான் சுல்தான் இஸ்கந்தர், ஜாலான் சுல்தான் இட்ரிஸ் ஷா, ஜாலான் லக்சமானா, ஜாலான் ராஜா மூசா அஜீஸ், ஜாலான் ராஜா எக்ரம், ஜாலான் டத்தோ ஒன் ஜாஃபர் ஆகியவை ரத ஊர்வலத்தில் ஈடுபட்டுள்ள வழித்தடங்களில் அடங்கும். – பெர்னாமா