மூன்று சபா மாநில சட்டமன்ற உறுப்பினர்கள் எதிர்க்கட்சியான வாரிசனில் இருந்து வெளியேறுவதாக அறிவித்துள்ளனர் மற்றும் காபுங்கன் ரக்யாத் சபாவின் ஆளும் கூட்டணிக்கு தலைமை வகிக்கும் முதலமைச்சர் ஹாஜிஜி நூருக்கு தங்கள் ஆதரவை தருவதாக உறுதியளித்துள்ளனர்.

முகமது முகமரின் பாங்கி உறுப்பினர், சோங் சென் பின் தஞ்சோங் கபூர் மற்றும் நோராஸ்லினா ஆரிஃப் குனாக் ஆகிய மூவர், மாநிலளவையில் சுயேச்சை உறுப்பினர்களாக அமர்வோம் என்று தெரிவித்துள்ளனர்.

அவர்களின் ஆதரவுடன், 79 உறுப்பினர்களைக் கொண்ட மாநில சட்டமன்றத்தில் GRS 47 வாக்குகளை நம்பலாம். எதிர்க்கட்சி பெஞ்ச் இப்போது வாரிசன் (16), பாரிசான் நேஷனல்-அம்னோ (13), மற்றும் கேடிஎம் 3 இடங்களைக் கொண்டுள்ளது.

அரசியல் விவாதங்கள் மற்றும் அரசாங்கத்தில் உறுதியற்ற தன்மையை உருவாக்கும் செயல்களுக்கு முற்றுப்புள்ளி வைக்க வேண்டிய நேரம் வந்துவிட்டது, ஏனெனில் இது மாநிலத்தையும் மக்களையும் மேம்படுத்துவதற்கான முயற்சிகளை பாதிப்பதாக மூவரும் கூட்டறிக்கையில் தெரிவித்துள்ளனர்.

சபாவின் வளர்ச்சியில் முதல்வர் மற்றும் மாநில அரசுடன் இணைந்து செயல்படுவோம் என்றும், சபா மஜு ஜெயா வளர்ச்சித் திட்டத்தின் மூலம் அதன் வருவாயை அதிகரிப்போம் என்றும் அவர்கள் தெரிவித்தனர்.

சட்டமன்ற உறுப்பினர்கள் கட்சியை விட்டு வெளியேறுவதாக சமூக ஊடகங்களில் வெளியான செய்திகளை வாரிசன் தலைவர் ஷஃபி அப்டல் மறுத்த இரண்டு மாதங்களுக்குப் பிறகு மூவரும் வெளியேறியுள்ளனர்.

டிசம்பரில் அவர், வாரிசன் வலுவாகவும், நிலையாகவும் இருக்கிறது என்றும், வாரிசனில் இருந்து வெளியேறுவது பற்றிய பேச்சை கட்சியைக் கவிழ்க்க வஞ்சககாரர்களின் தீங்கிழைக்கும் முயற்சி என்று நிராகரித்தார்.

அடிமட்ட உறுப்பினர்களின் உணர்வு உட்பட பல அம்சங்களைக் கருத்தில் கொண்டு வாரிசனில் இருந்து விலக முடிவு செய்துள்ளதாகவும், பிரதேச மற்றும் உச்ச கவுன்சில் மட்டங்களில் உள்ள அனைத்து கட்சி பதவிகளையும் துறப்பதாகவும் முகமது, சோங் மற்றும் நோரஸ்லினா தெரிவித்தார். மூவரும் 2020 மாநிலத் தேர்தல்களில் இரண்டாவது முறையாக மீண்டும் தேர்ந்தெடுக்கப்பட்டனர்.

முகமது தனது நெருங்கிய போட்டியாளரான பாரிசான் நேசனலின் அக்ரம் இஸ்மாயில் மற்றும் நான்கு பேரை விட குறுகிய 703 வாக்குகள் பெரும்பான்மையுடன் பாங்கியில் வெற்றி பெற்றார்.

தாஜோங் கபோரில் பெரிகாத்தான்  நேசனலின் நார்லிசா குராஹ்மான் மற்றும் மூன்று வேட்பாளர்களை விட 1,897 வாக்குகள் பெரும்பான்மையுடன் சோங் வெற்றி பெற்றார்.

பாரிசான் நேசனலின் ஹலிட் ஹருன் மற்றும் நான்கு பேரை விட 589 வாக்குகள் பெரும்பான்மையுடன் நோராஸ்லினாவும் குனாக்கில் குறுகிய வெற்றியைப் பெற்றார்.

-FMT