கைரி ஜமாலுடின் சிலாங்கூர் மாநிலத் தேர்தலில் போட்டியிடுவதற்கு முன் கவனமாக இருக்க வேண்டும், ஏனெனில் புகழ் மட்டுமே வெற்றியை உறுதி செய்யாது.

மாநில அம்னோ தலைவர் மெகாட் சுல்கர்னைன் ஓமர்டின்(Megat Zulkarnain Omardin) கருத்துப்படி, சிலாங்கூர் மக்கள் “திறமிக்க வாக்காளர்கள்” என்பதால், அவர்கள் தங்கள் ஆளுமை அல்லது கட்சி அடிப்படையில் வேட்பாளர்களைத் தேர்வு செய்யமாட்டார்கள்.

“நிலைமை எந்த நேரத்திலும் மாறக்கூடும், குறிப்பாக மாநிலத் தேர்தல் நடைபெறும் என்று எதிர்பார்க்கப்படும் ஆண்டின் நடுப்பகுதியில் மாறலாம்”

“நாளை அல்லது நாளை மறுநாள் என்ன நடக்கும் என்பதை யாரும் எதிர்பார்க்க முடியாது, வாக்குப்பதிவு நாள் வரும்போது அது நிச்சயமாக வாக்காளர்களின் மனநிலையை பாதிக்கும்,” என்று மெகத் சுல்கர்னைன்(Megat Zulkarnain) உத்துசான் மலேசியாவிடம் கூறியதாக மேற்கோள் காட்டப்பட்டுள்ளது.

முந்தைய இடைத்தேர்தல்களில் BN/அம்னோவின் வெற்றி, மாநிலத் தேர்தல்கள், அதன்பின் தேசியத் தேர்தல்களில் அது தோற்கடிக்கப்பட்டதை அவர் உதாரணமாகக் குறிப்பிட்டார்.

அரசியல் எதிர்காலத்தை விளக்கும் கைரி

“வரலாறு காட்டுகிறது – நாங்கள் தொடர்ந்து ஏழு இடைத் தேர்தல்களிலும் செமனி உட்பட இரண்டு மாநிலத் தேர்தல்களிலும் பெரும்பான்மையுடன் வென்றோம், ஆனால் 15 வது பொதுத் தேர்தலில் தோல்வியடைந்தோம்”.

“நிலைமை மாறும். வாக்குப்பதிவு நேரத்தில் வாக்காளர்களின் விருப்பத்தைப் பொறுத்தது. அடுத்த மூன்று அல்லது நான்கு மாதங்களில் என்ன நடக்கும் என்பதை யாராலும் கணிக்க முடியாது.”

எவ்வாறாயினும், GE15 இல் சுங்கை பூலோ நாடாளுமன்றத் தொகுதியில் அவர் தோல்வியடைந்ததைத் தொடர்ந்து, அம்னோவிலிருந்து அவர் நீக்கப்பட்டதைத் தொடர்ந்து, கைரி தனது சொந்த அரசியல் கதையை உருவாக்கச் சுதந்திரமாக இருக்கிறார் என்று மெகாட் சுல்கர்னைன் வலியுறுத்தினார்.

மந்திரி பெசார் உட்பட சிலாங்கூரில் பொது அலுவலகத்திற்கு போட்டியிடுவதற்கான வாய்ப்புகளைக் கைரி பரிசீலிப்பதாகச் சமீபத்தில் தெரிவிக்கப்பட்டது.

பெர்சத்து நெகிரி செம்பிலான் முன்னதாக, வரவிருக்கும் PRNல் பெர்சத்துவை பிரதிநிதித்துவப்படுத்துவதற்காக முன்னாள் அமைச்சர் கைரிக்கு MB பதவியை வழங்க விருப்பம் தெரிவித்தார்.