பாதுகாப்பு குற்றங்கள் (சிறப்பு நடவடிக்கைகள்) சட்டம் 2012 (சோஸ்மா) மேம்படுத்துவதற்கான முன்மொழிவுகளை புத்ராஜெயா ஆராய்ந்து வருவதாக நாடாளுமன்றம் தெரிவித்துள்ளது.

உள்துறை அமைச்சர் சைபுடின் நசுதின் இஸ்மாயில், தனது அமைச்சகம் முன்மொழிவுகளை ஆய்வு செய்வதற்காக விவாதங்களையும் பட்டறைகளையும் நடத்தி வருகிறது என்றார்.

“தன்னார்வ தொண்டு நிறுவனங்கள், கல்வியாளர்கள், சமூகக் குழுக்கள் உள்ளிட்ட ஆர்வமுள்ள தரப்பினர் இந்தச் செயல்பாட்டில் ஈடுபட்டுள்ளனர்,”என்று அவர் கூறினார்.

அரசாங்கம் சோஸ்மாவை ஒழிக்குமா அல்லது மறுபரிசீலனை செய்யுமா என்று விசாரித்த பி.பிரபாகரனின் (Harapan-Batu) கேள்விக்குச் சைபுடின் (மேலே) பதிலளித்தார்.

“பாதுகாப்பு குற்றங்கள்” என்று சந்தேகிக்கப்படுபவர்களுக்கு விசாரணையின்றி 28 நாட்கள்வரை காவலில் வைக்கச் சோஸ்மா அனுமதிக்கப்பட்டது – இது தெளிவாக வரையறுக்கப்படவில்லை, இதனால் துஷ்பிரயோகத்திற்கு உட்பட்டது என்று விமர்சகர்கள் கூறினர்.

சட்டத்தின் 30வது பிரிவானது, சட்டத்தின் கீழ் விசாரணைக்கு உட்படுத்தப்பட்ட ஒருவரை “விசாரணை செயல்முறை முடிவடையும் வரை” காவலில் வைக்க அனுமதிப்பதற்காக விமர்சனத்தை ஈர்த்துள்ளது.

மறுபுறம், கொலைக் குற்றவாளிகள்கீழ் நீதிமன்றத்தால் விடுவிக்கப்பட்டால் விடுதலையாகலாம்.

கடந்த ஆண்டு டிசம்பரில், பல்வேறு சட்டங்களின் கீழ் விசாரணை நிலுவையில் இருக்கும்போது சோஸ்மாவின் கீழ் இன்னும் தடுத்து வைக்கப்பட்டுள்ள மக்களின் அவலநிலை குறித்து மலேசியாகினி செய்தி வெளியிட்டிருந்தது.

பக்காத்தான் ஹராப்பானின் தேர்தல் அறிக்கை சோஸ்மாவுக்கு எந்தச் சீர்திருத்தங்களையும் உறுதியளிக்கவில்லை, ஆனால் பல ஹராப்பான் எம்.பி.க்கள் சர்ச்சைக்குரிய சட்டத்தை மறுஆய்வு செய்யுமாறு சைபுடினை வலியுறுத்தியுள்ளனர்.