நிறுவனத்தின் உரிமத்தை அரசாங்கம் நிபந்தனையுடன் புதுப்பித்துள்ள நிலையில், லினாஸ் ஆதரவு நபர்கள் நூற்றுக்கணக்கானோர் இன்று பிற்பகல் பகாங்கின் குவாந்தானில் கூடினர்.

குழுமத்தின் செய்தித் தொடர்பாளர், மிமி அப்சான் அப்ஸா அப்துல்லா(Mimi Afzan Afza Abdullah), நிறுவனத்தின் துணைத் தலைவர் (people and culture) குவாந்தானின் கெபெங்கில்(Gebeng) உள்ள லினாஸ் ஆலையின் விரிசல் மற்றும் கசிவு (C&L) வசதியை நிறுத்துவதற்கான முடிவை மறுபரிசீலனை செய்யுமாறு அரசாங்கத்தை வலியுறுத்தினார்.

“எங்களில் பெரும்பாலோர் உள்ளூர்வாசிகள், எங்களுக்கும் குடும்பங்கள் உள்ளன, எனவே தயவுசெய்து எங்களிடம் நியாயமாக இருங்கள்”.

“எங்களுக்குத் தேவையான நிபுணத்துவம் உள்ளது, எனவே எங்களை ‘கொல்ல வேண்டாம்’. அரசாங்கத்தால் நிர்ணயிக்கப்பட்ட புதிய நிபந்தனைகள் எங்களை “கொல்லும்” மற்றும் உள்ளூர் மக்களுக்கு அதிக வேலை வாய்ப்புகளை “கொல்லும்”, என்று அவர் இன்று பிற்பகல் குவாந்தானின் பலோக்கில் உள்ள ஒரு கால்பந்து மைதானத்தில் அமைதியான லினாஸ் ஆதரவு கூட்டத்தில் கலந்து கொண்ட பின்னர் செய்தியாளர்களிடம் கூறினார்.

மதியம் 2 மணிக்குத் தொடங்கிய கூட்டம் ஒன்றரை மணி நேரம் கழித்து முடிவடைந்தது.

பேரணியில் பங்கேற்றவர்கள் லினாஸுக்கு ஆதரவு தெரிவிக்கும் பதாகைகளை ஏந்தியிருந்தனர், மேலும் சிலர் தங்களுக்கு உதவ பகாங் அரண்மனை தலையிட வேண்டும் என்றும் வலியுறுத்தினர்.

லினாஸ் ஆலையின் வசதியை நிறுத்துவதற்கான அரசாங்கத்தின் முடிவு ஆயிரக்கணக்கானவர்களின் வாழ்வாதாரங்களை ஆபத்தில் ஆழ்த்தியுள்ளது என்று குழு கூறியது.

லினாஸின் தற்காலிக மேற்பார்வையாளர் முகமட் பத்ருல் ஹிஷாம் சுல்கிஃப்லி(Mohd Badrul Hisham Zulkifli) கூறுகையில், இந்த விஷயத்தில் முடிவெடுப்பதற்கு முன்பு அரசாங்கம் அனைத்து தரப்பினரிடமிருந்தும் கருத்துக்களைக் கேட்டிருக்க வேண்டும் என்றார்.

“நான் 10 ஆண்டுகளுக்கும் மேலாக லினாஸுடன் இருக்கிறேன், நான் முட்டாள் அல்ல. இந்தத் தொழிற்சாலை ஆபத்தானது மற்றும் (பொருட்கள்) கதிரியக்க (பொருட்கள்) இருந்தால், நான் ஏன் இன்னும் இங்கே வேலை செய்ய வேண்டும்?

ஆஸ்திரேலியாவில் உள்ள லினாஸ் தலைமையகத்தில் பயிற்சி பெற்று வரும் பத்ருல் கூறுகையில், “எனக்கும் ஒரு மனைவி மற்றும் குழந்தைகள் உள்ளனர், உண்மையில் இந்தத் தொழிற்சாலை என்னையும் எனது குடும்பத்தையும் ஆபத்தில் ஆழ்த்தினால் நான் அவர்களைப் பணயம் வைக்கமாட்டேன்,” என்று கூறினார்.

கடந்த வாரம், அரசாங்கம் பல நிபந்தனைகளின் பேரில் லினாஸின் உரிமத்தை புதுப்பிக்க ஒப்புக்கொண்டது, அவற்றில் ஒன்று கதிரியக்க நீர் லீச் சுத்திகரிப்பு (Water Leach Purification) எச்சத்தை உற்பத்தி செய்யும் விரிசல் மற்றும் கசிவு வசதியை ஜூலை 2023 க்கு முன்னர் மலேசியாவிலிருந்து மாற்றுவதாகும்.

இந்நிறுவனம் தனது விரிசல் மற்றும் கசிவு வசதியை மூட வேண்டிய கட்டாயம் ஏற்பட்டால் நேரடி விளைவாக நூற்றுக்கணக்கான வேலைகளை இழக்க நேரிடும் என்று எச்சரித்தது.

இதைத் தொடர்ந்து, அறிவியல், தொழில்நுட்பம் மற்றும் புத்தாக்க அமைச்சர் சாங் லி காங், லினாஸ் அதன் விரிசல் மற்றும் கசிவு ஆலையை(cracking and leaching plant) –  கதிரியக்க கழிவுப் பொருட்கள் எதுவும் வைக்கப்படக் கூடாது என்ற நிபந்தனையின் பேரில் மலேசியாவில் வைத்திருக்க முடியும் என்று சுட்டிக்காட்டினார்.