நடந்து கொண்டிருக்கும் அம்னோ தேர்தலில் மூன்று துணைத் தலைவர் பதவிகளுக்கு எட்டு வேட்பாளர்கள் போட்டியிடுகின்றனர்.
அவர்களில் இருவர் உயர்கல்வி அமைச்சராக இருக்கும் முகமட் காலிட் நோர்டின்(Mohamed Khaled Nordin) மற்றும் பாடாங் தெராப் நாடாளுமன்ற உறுப்பினர் மஹ்ட்சிர் காலித்(Padang Terap MP Mahdzir Khalid) ஆகியோர் ஆவர்.
மற்ற மூன்று வேட்பாளர்கள் பிரதமர் துறை (Law and Institutional Reform) அமைச்சர் அசாலினா ஓத்மான் சைட்(Azalina Othman Said), முன்னாள் கெப்பாலா படாஸ் நாடாளுமன்ற உறுப்பினர் ரீசல் மெரிகான் நைனா மெரிகான்(Reezal Merican Naina Merican) மற்றும் அம்னோ உச்ச மன்ற உறுப்பினர் ஜோஹாரி அப்துல் கனி(Johari Abdul Ghani) ஆகியோர் ஆவர்.
பகாங் மந்திரி பெசார் வான் ரோஸ்டி வான் இஸ்மாயில்(Wan Rosdy Wan Ismail), ஜொகூர் மந்திரி பெசார் ஹாஸ்னி முகமட் மற்றும் கட்சியின் இஸ்கந்தர் புத்தேரி பிரிவின் உறுப்பினரான முகமட் யூசோப் (Hasni Mohammad & Mohd Yusof Musa@Jamaludin)ஆகியோரும் போட்டியிடுகின்றனர்.
நேற்றிரவு கோலாலம்பூரில் உள்ள ஒரு விடுதியில் நடந்த விழாவில் அவர்களின் வேட்புமனு அறிவிக்கப்பட்டது, இதில் அம்னோ தலைவர் அஹ்மட் ஜாஹிட் ஹமிடி மற்றும் அவரது துணை முகமட் ஹசன் ஆகியோரும் கலந்து கொண்டனர்.
மகளிர் அம்னோ தலைவி நோரைனி அகமது மற்றும் முன்னாள் அம்னோ தலைவி ஷாரிசாத் அப்துல் ஜலீல்
கட்சியின் பொதுச் செயலாளர் அஹ்மட் மஸ்லான், ஜெலேபு நாடாளுமன்ற உறுப்பினர் ஜலாலுடின் அலியாஸ், வெளியுறவு அமைச்சர் ஜாம்ப்ரி அப்ட் கதிர் மற்றும் சர்வதேச வர்த்தக மற்றும் தொழில்துறை அமைச்சர் தெங்கு ஜாஃப்ருல் தெங்கு அப்துல் அஜீஸ் உட்பட சுமார் 95 நபர்கள் உச்ச கவுன்சில் உறுப்பினர் பதவிகளில் போட்டியிட தகுதியுடையவர்கள்.
இதற்கிடையில், தற்போதைய மகளிர் அம்னோ தலைவர் நொரைனி அஹ்மட் தனது பதவியைப் பாதுகாக்க மூத்த அரசியல்வாதி ஷாரிசாட் அப்துல் ஜலீலை எதிர்த்துப் போட்டியிடுகிறார்.
பிரிவின் இரண்டாவது பதவியைப் பொறுத்தவரை, பினாங்கு மகளிர் அம்னோ தலைவி நோர்லிசா அப்துல் ரஹீம் மகளிர் BN தகவல் தொடர்பு இயக்குநரான ரோஸ்னி சஹாரிக்கு சவால் விடுவார்.
அம்னோ இளைஞர் தலைமைப் பதவிக்குப் பாயாப் பெசார் நாடாளுமன்ற உறுப்பினர் முகமட் ஷாஹர் அப்துல்லா, மெர்லிமாவ் சட்டமன்ற உறுப்பினர் முகமட் அக்மல் சாலே, உச்ச மன்ற உறுப்பினர் அர்மண்ட் அஸா அபு ஹனிபா மற்றும் மியோர் ஹசன் மாட் அலி ஆகியோருக்கு இடையே நான்கு முனை போட்டி இருக்கும்.
இதற்கிடையில், ஜாஹிட் தனது உரையில், அம்னோவை பலப்படுத்தும் நோக்கத்திற்கு ஏற்ப, நிர்ணயிக்கப்பட்ட வழிகாட்டுதல்களின்படி கட்சித் தேர்தல் சுமூகமாக நடைபெறும் என்று நம்பினார்.
தேர்தலில் போட்டியிடுபவர்கள் அம்னோவை பிரதிநிதித்துவப்படுத்துகிறார்களே தவிர வேறு எந்தக் குழுக்களையும் பிரதிநிதித்துவப்படுத்துவதில்லை என்பதால் தேர்தல் முக்கியமானது என்றும் அவர் வலியுறுத்தினார்.
முகமட் நஜிபுடின் முகமட் நஜிப் மற்றும் ஜொகூர் இளைஞர் தலைவர் முகமட் ஹைரி மாட் ஷா உட்பட நான்கு வேட்பாளர்களும் பிரிவின் துணைத் தலைவர் பதவிக்குப் போட்டியிடுகின்றனர்.
புத்தேரி அம்னோ உயர் பதவிக்கான போட்டியில் அதன் துணைத் தலைவர் நூருல் அமல் முகமட் பௌசி, உச்ச மன்ற உறுப்பினர் கைதிரா அபு ஜஹர் மற்றும் பிரிவின் செயலாளர் நூருல் ஹஸ்வானி முகமட் ஃபௌசி உட்பட ஆறு வேட்பாளர்கள் போட்டியிடுவார்கள்.
