ஜொகூர் பாருவின் முதியாரா ரினியில் இருப்பதாக நம்பப்படும் ஒரு நர்சரியில் ஒரு பெண் குழந்தையைத் துஷ்பிரயோகம் செய்வதைக் காட்டும் இரண்டு வீடியோக்கள் தொடர்பான விசாரணைகளுக்கு உதவ ஒரு நபரைப் போலீசார் தேடுகின்றனர்.
இஸ்கந்தர் புத்தேரி மாவட்ட காவல்துறைத் தலைவர் ரஹ்மத் ஆரிஃபின் கூறுகையில், வாட்ஸ்அப் மூலம் வீடியோக்களைப் பெற்ற பொதுமக்களால் புகார் அளிக்கப்பட்டுள்ளது.
“வயது தெரியாத குழந்தையை ஒரு பெண் துஷ்பிரயோகம் செய்வதை கிளிப்புகள் காட்டுகின்றன,” என்று அவர் இன்று ஒரு சுருக்கமான அறிக்கையில் கூறினார்.
சம்பவம் தொடர்பாக ஏதேனும் தகவல் தெரிந்த பொதுமக்கள் முன் வந்து விசாரணையில் உதவ இஸ்கந்தர் புத்தேரி காவல்துறை தலைமையகத்தைத் தொடர்பு கொள்ளுமாறு ரஹ்மத் கேட்டுக் கொண்டார்.
