கடந்த வாரம் வழக்கறிஞரும், சமூக ஆர்வலருமான சிட்டி காசிமின் காருக்கு அடியில் வெடிகுண்டு வைத்த குற்றவாளிகளைப் போலீசார் தீவிரமாகத் தேடி வருகின்றனர்.
வெடிகுண்டுகளில் கண்டெடுக்கப்பட்ட கைரேகைகளை போலீசார் கண்டறிந்து வருவதாகவும், சந்தேக நபர்களைக் கண்டுபிடிக்க மற்ற ஆதாரங்களையும் ஆராய்ந்து வருவதாகவும் காவல்துறை தலைவர் ரசாருதீன் ஹுசைன் கூறினார்.
“வெடிகுண்டு கண்டுபிடிக்கப்பட்டது ஒரு கடுமையான குற்றத்தைச் சுட்டிக்காட்டுகிறது, மேலும் இந்த அச்சுறுத்தல் கொலை முயற்சிக்கு ஒப்பானது,” என்று அவர் கூறியதாக ஹரியன் மெட்ரோ மேற்கோளிட்டுள்ளது.
இன்ஸ்பெக்டர்-ஜெனரல் ஆஃப் போலீஸ் ரஸாருதீன் ஹுசைன்
கோலாலம்பூர் காவல்துறையினர் மேலதிக விசாரணைகளை மேற்கொண்டு வருவதாகவும், தீவிர நடவடிக்கை எடுக்கப்படும் என்றும் ரசாருடின் உறுதியளித்தார்.
சிட்டி காசிம் கோலாலம்பூர், பங்சாரில் உள்ள ஒரு பட்டறையில் சர்வீஸ் செய்வதற்காக அனுப்பியபோது அவரது காரின் அடிப்பகுதியில் வெடிகுண்டு பொருத்தப்பட்டிருந்தது கண்டுபிடிக்கப்பட்டது.
பிரிக்பீல்ட்ஸ் மாவட்ட காவல்துறைத் தலைவர் அமிஹிசாம் அப்துல் ஷுகோர் கூறுகையில், இரண்டு பிளாஸ்டிக் பாட்டில்களும் ஒரு மேம்படுத்தப்பட்ட வெடிபொருள் (improvised explosive device) என்று நம்பப்படுகிறது.
