பிரதம மந்திரி அன்வார் இப்ராகிமுக்கு ஆதரவளிப்பதாக உறுதியளிக்குமாறு பலமுறை அழுத்தம் கொடுத்து மிரட்டப்பட்டதாக பெர்சத்து நாடாளுமன்ற உறுப்பினர் ஒருவர் கூறியதை அடுத்து நேற்று   மக்களவையில் குழப்பம் ஏற்பட்டது.

வான் சைபுல் வான் ஜான் (PN-தாசேக் கெழுகோர்), அடையாளம் தெரியாத நபர்களால் தொலைபேசியில் பலமுறை தொடர்பு கொண்டதாகவும், அதன் பிறகு அவர் அவர்களைச் சந்திக்க ஒப்புக்கொண்டதாகவும் கூறினார்.

“முதல் சந்திப்பு ஜனவரி 17, 2024 அன்று, புக்கிட் பிண்டாங்கில் உள்ள வெஸ்டின் ஹோட்டலில் நடைபெற்றது,” என்று அவர் இன்று மன்னரின் உரையை விவாதிக்கும் போது கூறினார். “அடுத்த சந்திப்பு JW மேரியட் ஹோட்டலுக்கு மாறியது.”

ஒரு சந்திப்பின் போது தன்னை அணுகிய நபர்களில் ஒருவர், பெயர் குறிப்பிட விரும்பாத ஒரு நண்பர் என்றும் அவர் கூறினார்.

கடந்த ஆண்டு அக்டோபரில் ரிங்கிட் 5.59 மில்லியன் பணமோசடி தொடர்பான 18 குற்றச்சாட்டுகள் விசாரணைக்கு வந்ததை அடுத்து, அவரது ஆதரவைத் திசைதிருப்ப இந்த முயற்சிகள் நடந்ததாக அவர் கூறினார்.

“நான் ஒய்.பி. தம்பூனை பிரதமராக ஆதரிக்க வேண்டும் என்று என்னிடம் கூறப்பட்டது, அதற்கு பதிலாக எனது தொகுதிக்கு ரிம1.7 மில்லியன் ஒதுக்கப்படும், அதில் ஒரு பகுதி சேவை செயல்பாட்டு மையத்திற்காக ஒதுக்கப்படும்,” என்று அவர் கூறினார்.

இந்த முயற்சிகள் தொடர்ந்ததாகவும், திங்கட்கிழமை பிற்பகல் ஜாலான் அம்பாங்கில் உள்ள கோரஸ் நட்சத்திர விடுதியில் ஒரு சந்திப்பிற்காக தன்னை மீண்டும் அணுகியதாகவும் அவர் கூறினார்.

“இந்த சந்திப்புகளை ஏற்றுக்கொள்வதைத் தவிர எனக்கு வேறு வழியில்லை, ஏனென்றால் எனது கட்டுப்பாட்டிற்கு அப்பால் எதிர்பாராத ஒன்று நடக்கக்கூடும் என்று நான் கவலைப்பட்டேன்,” என்று அவர் கூறினார்.

அவரது கூற்று அரசாங்க நாடாளுமன்ற உறுப்பினர்களிடையே ஒரு சலசலப்பை ஏற்படுத்தியது, RSN ராயர் (PH-ஜெலூடோங்) அவரை மலேசிய ஊழல் எதிர்ப்பு ஆணையத்தில் அறிக்கை தாக்கல் செய்ய வலியுறுத்தினார்.

“நீங்கள் ஒரு நல்ல மனிதராக இருந்தால், மலேசிய ஊழல் எதிர்ப்பு ஆணையத்தில் அறிக்கை செய்யுங்கள்,” என்று அவர் கூறினார்.

மக்களவை சபாநாயகர் ஜோஹாரி அப்துல், வான் சைபுலை சட்டமன்றதில்  மீண்டும் இந்த விஷயத்தை எழுப்புவதைத் தவிர்க்குமாறு கேட்டுக் கொண்டார்.

-fmt