எதிர்காலத்தில் சனசநாயக செயல் கட்சிதான் (டிஏபி) தேசிய அரசியலில் மேலாதிக்கம் செய்யும் என்ற தம்ரின் கபார்  வலைப்பதிவு இடுகை தொடர்பாக, முன்னாள் துணைப் பிரதம மந்திரியின் மகன் தம்ரின் கபாரை அடுத்த செவ்வாய்க் கிழமை போலிஸ் விசாரிக்கவுள்ளனர்.

“ஏப்ரல் 16 ஆம் தேதி காலை 10.30 மணிக்கு தம்ரின் காவல்துறையிடம் வாக்குமூலம் அளிக்க உள்ளார்” என்று அவரது வழக்கறிஞர் ரபீக் ரஷீத் அலி மலேசியா டுடேயிடம் தெரிவித்தார்.

தம்ரின் (மேலே) மறைந்த கபார் பாபாவின் மகன்.

ஏப்ரல் 4 தேதியிட்ட அவரது வலைப்பதிவு இடுகையில், டிஏபி பொறுப்பேற்றால் பேரழிவு ஏற்படும் என்பதை அனைத்து மலாய்க்காரர்களும் மலாய் ஆட்சியாளர்களும் அறிந்திருக்க வேண்டும் என்றார்.

“10 ஆண்டுகளில் டிஏபி மாஸ்டர் ஆகிவிடும்” என்ற தலைப்பில், இன்றைய மத்திய அரசில் 42 இடங்களுடன் டிஏபி அதிக எம்.பி.க்களைக் கொண்டுள்ளது என்று அவர் சுட்டிக்காட்டினார்.

“22 சதவிகித டிஏபி, மலாய்காரர் நாட்டில் 70 சதவிகித மலாய்க்காரர்களை ஆளுவதை நாம் கற்பனை செய்ய முடியுமா?” என்று கேள்வி எழுப்பினார்.

அவர் 22 சதவீதத்தை எங்கிருந்து பெற்றார் என்பது தெளிவாகத் தெரியவில்லை.

நேற்று, முன்னாள் சட்ட அமைச்சர் சயிட் இப்ராஹிம் X- இல் ஒரு இடுகையில், பிந்தையவரின் வலைப்பதிவு இடுகைகளைக் மாற்றம் செய்ய கோரி தம்ரினை அழைத்ததாகக் கூறினார்.

“இல்லையென்றால், புக்கிட் அமான் போலிஸ் வரும்,” என்று அவர் போலீஸ் தலைமையகத்தைக் குறிப்பிட்டு கூறினார்.

முன்னாள் சட்ட அமைச்சர் ஜெய்த் இப்ராஹிம்

எவ்வாறாயினும், புக்கிட் அமானால் அவர் ஏற்கனவே அழைக்கப்பட்டதாக தம்ரின் அவருக்குத் தெரிவித்ததார்.

இந்த விவகாரம் தொடர்பாக தம்ரினுக்கு எதிராக காவல்துறையில் புகார் அளித்தவர் யார் என்று அறிய ஆர்வமாக உள்ளதாக தெரிவித்தார்.

“கணிப்பு செய்வது கிரிமினல் குற்றமாக இருக்கக்கூடாது”.

“நிச்சயமாக, டிஏபி ஒரு புகார் அறிக்கையை தாக்கல் செய்ய மாட்டார்கள்”, என்று நம்பிக்கை தெரிவித்தார்.