வோங் சின் ஹுவாட் கூறுகையில், அம்னோ நஜிப்பின் பின்னால் அணிதிரண்டால் அது நடுத்தர மலாய்க்காரர்களின் ஆதரவை மீண்டும் பெற முடியாது என்கிறார்.

முன்னாள் பிரதம மந்திரி நஜிப் ரசாக்கைக் காக்க வேண்டும் என்ற வலியுறுத்தல் மற்றும் அவரை “காப்பாற்ற” முயற்சிப்பதால் மீண்டும் அரசியல் மேலாதிக்கத்திற்கு நகர முற்படும் அம்னோவின் முயற்சி தடைபடும்  என்று அரசியல் ஆய்வாளர்கள் கூறுகின்றனர்.

அதோடு, நஜிப்பிற்கு அடைக்கலம் கொடுப்பதை நிறுத்த மறுத்ததே கட்சியின் மிகப் பெரிய தவறு என்று மலேசியாவின் சர்வதேச இஸ்லாமிய பல்கலைக்கழகத்தைச் சேர்ந்த சியாசா சுக்ரி கூறினார்.

சியாசா சுக்ரி

“இந்த வழக்கு  நீதிமன்றங்கள் வழியாக சென்றுள்ளது என்பதை அவர்கள் ஒப்புக்கொள்ள வேண்டும். நஜிப் குற்றவாளியா இல்லையா என்பதை நீதித்துறைக்கு விட்டுவிட வேண்டும்,” என்று அவர் கூறினார்.

“நஜிப்பை நிரபராதி என்று சித்தரிப்பதும், அவரைக் ‘காப்பாற்ற’ முயற்சிப்பதும் தான் பிரச்சனை” என்று அவர் மேலும் கூறினார்.

முன்னாள் அம்னோ தலைவர்  ஷஹரில் ஹம்தான், 1MDB தோல்வியைக் கையாள்வதில் அதன் தோல்விகளை ஒப்புக்கொள்ள மறுத்ததால், நடுத்தர ஆதரவு  நஜிப்பிடம் இருந்து முன்னேறுவதைத் தடுத்து, பக்காத்தான் ஹராப்பானுடன் (PH) ஒரு “எதிர்வினை’ உறவுக்கு வழிவகுத்தது என்று முன்பு கூறப்பட்டது.

                      வோங் சின் ஹுவாட்.

அரசியல் விமர்சகர்  வோங் சின் ஹுவாட், அம்னோவின் தோல்விகள் குறித்த தனது மதிப்பீட்டில் நஜிப் ‘தான் பலிகடா ஆக்கப்பட்டேன்’, என்ற வகையில் நாடகமாடுவதும் எடுபடாது என்றார்.

“அதிகமான ஊழலை விழுங்க” முடியாமல், பெரிகாத்தானுக்கும் பாக்காதானுக்கும் தாவிய  நடுத்தர-மலாய்காரர்காரகளை  அம்னோ இழந்தது என்கிறார் வோங்.

“அம்னோ இதை ஒப்புக்கொள்ள மறுத்து, நஜிப் பின்னால் அணிதிரளும் வரை, நடுத்தர மலாய் ஆதரவை அது மீண்டும் பெற முடியாது,” என்று அவர் கூறினார்.

அம்னோ நஜிப்புடனான உறவை துண்டிக்க வேண்டும் அல்லது அரசியலில் இருந்து ஓய்வு பெறுமாறு அவரிடம் கெஞ்ச வேண்டும் என்றார் வோங்.