சுங்கை பெசார் அம்னோ தலைவர் ஜமால் முகமட் யூனோஸின் நுரையீரலில் உள்ள புற்றுநோய் செல்கள் இப்போது அவரது மூளைக்கும் பரவியுள்ளன.

கடந்த சனிக்கிழமை அம்பாங்கில் உள்ள ஒரு தனியார் மருத்துவமனையில் அனுமதிக்கப்பட்டதாக ஜமால் பெரிட்டா ஹரியனிடம் கூறினார்.

“வீட்டில் சமைக்கும்போது என் கழுத்து மற்றும் தலையில் வலி ஏற்பட்டது”.

“magnetic resonance imaging (MRI) ஸ்கேன் செய்தபிறகு, என் நுரையீரலில் முன்பு இருந்த புற்றுநோய் செல்கள் இப்போது மூளைக்கு மூன்று சென்டிமீட்டர் பரவியிருப்பதை மருத்துவர் கண்டறிந்தார்,” என்று அவர் இன்று கூறினார்.

பின்னர் ஜமால், தான் விரைவில் குணமடைய பிரார்த்தனை செய்யுமாறு பொதுமக்களை வலியுறுத்தினார்.

டிசம்பர் 2023 இல், ஜமாலுக்கு நான்காவது நிலை நுரையீரல் புற்றுநோய் மீண்டும் வந்தபிறகு பிரின்ஸ் கோர்ட் மருத்துவமனையில் அனுமதிக்கப்பட்டார்.

அவரது மகன் அமின் டேனியல் ஜமால், மலேசியன் கெசட்டிடம், தனது தந்தைக்கு கடந்த இரண்டு ஆண்டுகளாக இருந்த புற்றுநோய் மீண்டும் வந்து அவரது சுவாச உறுப்புகளைத் தாக்கியதாகக் கூறினார்.

அதன் பிறகு ஜமாலின் உடல் நிலை பலவீனமடைந்தது, மேலும் அவரது எடையும் குறைந்திருந்தது.