சபாவில் பிரதமரின் கேலிச்சித்திரத்தை எரித்த மாணவர் போராட்டக்காரர்களைக் கண்டித்து, முன்னாள் எம்ஏசிசி தலைமை ஆணையர் சுல்கிஃப்லி அகமது, அன்வார் இப்ராஹிமைப் பாதுகாக்க முன்வந்துள்ளார்.

சுல்கேப்லி கூறியதாவது, அந்தச் செயலுக்குப் பின்னால் உள்ள ஆழமான ஏமாற்றங்களை அவர் புரிந்துகொள்கிறார் என்றாலும், அது “மரியாதைமிக்க நடத்தை குறைந்து வரும் ஒரு கவலைக்குரிய நிலையை” பிரதிபலிப்பதால், அந்தச் செயலுக்கு ஆதரவு தர முடியாது எனத் தெரிவித்துள்ளார்.

ஒரு குறிக்கோளுக்காகப் போராடுவதில், இலக்குகள் வழிகளை நியாயப்படுத்துவதில்லை என்று அவர் வலியுறுத்தினார்.

“ஊழலை எதிர்த்து நடத்தப்படும் போராட்டம் நேர்மை, ஞானம் மற்றும் ஒழுக்கம் போன்ற மதிப்பீடுகளில் அடிப்படையாக இருக்க வேண்டும். தீவிரமான செயல்களில் ஈடுபடுவது, அடையாளப்பூர்வமானதாக இருந்தாலும் கூட, நாம் ஆதரிக்கும் காரணத்தையே குறைமதிப்பிற்கு உட்படுத்தும் அபாயம் உள்ளது.

“இது சாராம்சத்திலிருந்து உணர்வுப்பூர்வத்திற்கும், நியாயத்திலிருந்து அடக்குமுறைக்கு நியாயமளிக்கிற செயல்களுக்குமான மாற்றமாகிறது,” என இன்று வெளியிட்ட அறிக்கையில் அவர் தெரிவித்தார்.

முன்னாள் எம்ஏசிசி தலைமை ஆணையர்  அகமது சுல்கேப்லி

பல மலேசியர்களைப் போலவே, தானும் “ஏமாற்றத்தின் சுமையை” உணர்கிறேன் என்றும், குறிப்பாகச் சபாவைச் சேர்ந்தவை உட்பட உயர்மட்ட நபர்கள் மற்றும் அரசியல் பிரமுகர்கள் சம்பந்தப்பட்ட ஊழல் வழக்குகளைக் கையாள்வதில் என்றும் சுல்கேப்லி குறிப்பிட்டார்.

“மக்கள், குறிப்பாக நமது இளைஞர்கள், வாக்குறுதிகளால் சோர்வடைந்துள்ளனர். அவர்கள் வெளிப்படைத்தன்மை, பொறுப்புக்கூறல் மற்றும் துணிச்சலான நிறுவன சீர்திருத்தங்களுக்காக ஏங்குகிறார்கள்”.

“மலேசியா சிறப்பாக இருக்க வேண்டும், அது நாம் அதை எவ்வாறு கோருகிறோம் என்பதிலிருந்து தொடங்குகிறது.”

கோபத்திற்கு மேல் சீர்திருத்தம்

11 ஆம் நூற்றாண்டின் முஸ்லிம் அறிஞர் அல்-கசாலியை மேற்கோள் காட்டி, சட்டம் மற்றும் நிர்வாகத்தின் நோக்கம் மதத்தைப் பாதுகாப்பதும் சமூகத்தின் நலனை உறுதி செய்வதும் ஆகும் என்று சுல்கேப்லி கூறினார்.

“நமது முயற்சிகள் விழிப்புணர்வு, மன உறுதி, நிறுவனங்களை உருவாக்குவதாக இருக்கட்டும் – எரிவதைப் பற்றி அல்ல”.

“ஆத்திரத்தின் வெடிப்புப் புள்ளிகளை அல்ல, நீண்டகால சீர்திருத்த உணர்வை நாம் பற்றவைப்போம்.”

“நீதி மற்றும் தூய்மையான நிர்வாகத்திற்கு உறுதியளித்த குடிமக்களாக, நாம் அதிகாரத்திடம் உண்மையைப் பேச வேண்டும், ஆனால் அதைக் கண்ணியத்துடன் செய்ய வேண்டும்,” என்று அவர் வலியுறுத்தினார்.

அவர் “கௌரவமாகச் செயல்படுதல்” என்று புகழ்ந்து, “ஆழமற்ற காட்சிகளுக்கு” பதிலாகச் சீர்திருத்தத்தைப் பின்பற்றுவதை ஆதரித்தார், மேலும் மாணவர்கள் தங்கள் ஆற்றலை “அழிவுகரமான செயல்களுக்கு” பதிலாக உற்பத்தி நோக்கங்களுக்குச் செலுத்த ஊக்குவித்தார்.

நேற்று, பிகேஆர் இளைஞர் தலைவர் கமில் முனிம் இதே போன்ற உணர்வுகளை வெளிப்படுத்தினார், எரிப்பு அதிகப்படியானது மற்றும் முரட்டுத்தனமானது மட்டுமல்ல, போராட்டக்காரர்கள் முன்வைக்க எந்தச் சரியான வாதங்களும் இல்லை என்பதைக் காட்டியது.

நிதி அமைச்சகத்தில் அன்வாரின் உதவியாளரான கமில், இந்தச் செயல் போராட்டக்காரர்களையும் பொதுமக்களையும் ஆபத்தில் ஆழ்த்தியதாகவும், அதே நேரத்தில் தங்கள் செய்தியை நிரூபிக்கத் தவறிவிட்டதாகவும் வலியுறுத்தினார்.

ஜூன் 21 அன்று பிற்பகல் முதல் ஜூன் 22 காலை 11 மணிவரை நீடித்த கோத்தா கினபாலுவில் ஊழலுக்கு எதிரான மாணவர் போராட்டத்தை இந்தத் தீ விபத்து முடிவுக்குக் கொண்டு வந்தது.

எரியூட்டப்பட்ட பிரதமரின் உருவத்தில் “Madani Pelindung Rasuah Sabah” (சபா ஊழலைப் பாதுகாப்பவர்) என்ற வாசகம் இடம்பெற்றிருந்தது.

மலேசியா சபா பல்கலைக்கழகம் (UMS), இந்தச் சம்பவம் தொடர்பாகக் காவல்துறையில் புகார் அளிப்பதாகக் கூறியுள்ளது, மேலும் இந்த விஷயத்தில் நேரடியாகவோ அல்லது மறைமுகமாகவோ அவர்கள் ஈடுபடவில்லை என்பதை வலியுறுத்துகிறது.