வார இறுதியில் சபாவில் நடந்த ஊழல் எதிர்ப்புப் போராட்டத்தில் பங்கேற்ற ஆர்வலர்களில் ஒருவர், அம்னோ இளைஞர் தலைவர் டாக்டர் அக்மல் சலேவின் “சந்திப்பு” சவாலை ஏற்றுக்கொண்டார்.

முன்னாள் சட்ட அமைச்சர் ஜைத் இப்ராஹிமும் இந்த விஷயத்தில் தனது கருத்தைத் தெரிவித்து, அக்மலோ அல்லது அம்னோவோ நல்ல நடத்தைக்குச் சிறந்த எடுத்துக்காட்டுகள் அல்ல என்று கூறினார்.

பிரதமர் அன்வார் இப்ராஹிமின் உருவப்படத்தை எரித்ததற்காகச் சபா மாணவர் போராட்டக்காரர்களை முட்டாள்கள் மற்றும் முரட்டுத்தனமானவர்கள் என்று அக்மல் முன்னதாக அழைத்திருந்தார், மேலும் அவர்களைச் சந்திக்க விரும்புவதாகவும் கூறினார்.

இன்ஸ்டாகிராமில் ஒரு பதிவில், Himpunan Advokasi Rakyat Malaysia (Haram) தகவல் தலைவர் பக்ருர்ராஸி கைரூர் ரிஜால், ஒரு கூட்டத்தை ஏற்பாடு செய்வதற்காக அம்னோ இளைஞர் தலைவரைத் தொடர்பு கொண்டதாகத் தெரிவித்தார் – அதற்கு அவர் ஒப்புக்கொண்டார்.

தற்காலிகமாக, அவர்கள் ஜூலை 1 ஆம் தேதி இரவு பெட்டாலிங் ஜெயாவின் ரூமா மந்திரியில் சந்திப்பார்கள்.

பிகேஆர் இளைஞர் தலைவர் கமில் அப்துல் முனிம் – உருவப்படம் எரிக்கப்பட்டதை விமர்சித்தவர் – போராட்டக்காரர்களை விவாதத்திற்கு எதிர்கொள்ளுமாறு ஃபக்ருர்ராஸி மேலும் சவால் விடுத்தார்.

பிகேஆர் இளைஞர் தலைவர் கமில் அப்துல் முனிம்

போராட்டக்காரர்களிடம் சரியான வாதங்கள் இல்லாததால் அன்வாரின் உருவப்படத்தை எரிக்கும் நடவடிக்கையை மேற்கொண்டதாகக் கமில் கூறியிருந்தார்.

ஞாயிற்றுக்கிழமை, சபாவில் மாணவர் போராட்டக்காரர்கள் ஊழலுக்கு எதிரான 22 மணி நேர போராட்டத்தை முடித்துக்கொண்டு, “ஊழல் சபாஹான்களின் மடானி பாதுகாவலர்” என்ற வாசகங்கள் கொண்ட அன்வாரின் சுவரொட்டியை எரித்தனர்.

அன்வாரின் நிர்வாகம்மீதான கடுமையான விமர்சனத்தை இந்தப் பதாகை அடையாளப்படுத்துவதாகவும், நிறுவன சீர்திருத்தங்களுக்கான வாக்குறுதிகளை அந்தக் குழு நிலைநிறுத்தத் தவறிவிட்டதாகவும் செக்ரடேரியட் ராக்யாட் பென்சி ரசுவாவின் செய்தித் தொடர்பாளர் ஃபதில் காசிம் கூறினார்.

‘ நல்ல நடத்தை எங்கே ?’

மாணவர்கள் நிதானத்தைக் கடைப்பிடித்தனர் என்றும் இது அமைதியான போராட்டத்தின் ஒரு பகுதி என்றும் ஜைத் நம்பினார்.

எனவே, அக்மல் மாணவர்களை முட்டாள்கள் அல்லது பண்பாடற்றவர்கள் என்று அழைக்கக் கூடாது என்று அவர் கூறினார்.

“அக்மல் ஒரு காலத்தில் (செபுதே எம்.பி.) தெரசா கோக்கை ஒரு பழைய நியோன்யா என்று வர்ணித்தார், அம்னோ சிறிது காலத்திற்கு முன்பு (டிஏபி ஆலோசகர்) லிம் குவான் எங்கின் புகைப்படத்தை எரித்தது.

முன்னாள் சட்ட அமைச்சர் ஜைது இப்ராஹிம்

“ 2017 ஆம் ஆண்டுப் பிரதமர் பதவிக்கு டாக்டர் மகாதிர் முகமது நல்ல வேட்பாளராக நான் ஆதரித்தபோது, ​​சிலாங்கூர் அம்னோ எனது புகைப்படத்தை எரித்தது. நல்ல நடத்தை எங்கே இருந்தது?”

“இது போன்ற போராட்டங்களைப் பற்றி ஏன் இவ்வளவு உணர்திறன் கொள்ள வேண்டும்? அன்வார் ஒரு அனுபவமிக்க போராட்டக்காரர். கொஞ்சம் நிதானமாக இருங்கள்,” என்று அவர் கூறினார்.