2026 ஆம் ஆண்டின் நடுப்பகுதியில் மின்னணு சிகரெட்டுகள் அல்லது வேப்ஸ் விற்பனையைத் தடை செய்யச் சுகாதார அமைச்சகம் இலக்கு வைத்துள்ளதாக அமைச்சர் சுல்கேப்லி அகமது தெரிவித்தார்.
தடையை அமல்படுத்துவதில் அமைச்சகம் உறுதியாக உள்ளது, ஆனால் படிப்படியாக அணுகுமுறையை எடுக்கும் என்றார்.
“2026 ஆம் ஆண்டின் நடுப்பகுதியில் இதைச் செய்ய முடியும் என்று நான் நம்புகிறேன். இல்லையென்றால், அது நிச்சயமாக அடுத்த ஆண்டின் இரண்டாம் பாதியில் நடக்கும்.”
“இருப்பினும், கருத்தில் கொள்ள வேண்டிய பல காரணிகள் உள்ளன. இருப்பினும், அவற்றைத் தடை செய்வதில் நாங்கள் உறுதியாக இருக்கிறோம்,” என்று அவர் இன்று சுகாதாரத்தில் நடத்தை நுண்ணறிவுக்கான தேசிய வரைபடத்தை அறிமுகப்படுத்தியபின்னர் கூறினார்.
முன்னதாக, இந்தத் தடையை முழுமையாகவும் திறம்படவும் செயல்படுத்துவதை உறுதி செய்வதற்காக, அதுகுறித்த அமைச்சரவை குறிப்பாணையை உருவாக்கும் பணியில் அமைச்சகம் ஈடுபட்டுள்ளதாகச் சுல்கேப்லி குறிப்பிட்டார்
இந்தத் தடை, திறந்த அமைப்புகளைத் தடை செய்வதில் தொடங்கி, அனைத்து வகையான வேப்ஸ் மற்றும் தயாரிப்புகளுக்கும் நீட்டிக்கப்படும்.
மலேசியர்களிடையே ஆரோக்கியமான உணவுப் பழக்கத்தை ஊக்குவிப்பதற்காக, பழங்கள் மற்றும் காய்கறிகளைச் சேர்க்க 
சாரா பாராட்டு உதவித் திட்டத்தை விரிவுபடுத்தச் சுகாதார அமைச்சகம் திட்டமிட்டுள்ளதாக மற்றொரு முன்னேற்றத்தில் சுல்கேப்லி கூறினார்.
“சில வயதினர் பழங்கள் மற்றும் காய்கறிகளைத் தவிர்ப்பது எங்களுக்குத் தெரியும், இது ஒரு தூண்டுதல் உத்தியின் ஒரு பகுதியாகும்,” என்று அவர் கூறினார்.
தற்போது, சாரா பாராட்டு உதவி பெறுபவர்கள் அரிசி, ரொட்டி, சமையல் எண்ணெய், மாவு, பிஸ்கட், உடனடி நூடுல்ஸ், பானங்கள், தனிப்பட்ட சுகாதாரப் பொருட்கள், துப்புரவுப் பொருட்கள், வீட்டுப் பொருட்கள், மருந்துகள் மற்றும் பள்ளிப் பொருட்கள் உள்ளிட்ட 14 வகைகளிலிருந்து அத்தியாவசியப் பொருட்களைப் பெறலாம்.
